"Qara Sentyabr" əməliyyatından Kemp-Devid zirvəsinə: 5 sentyabrda Yaxın Şərqdə nə baş verdi?
Təqdim olunan siyahı 5 sentyabrda ərəb ölkələri tarixində qeydə alınmış 20 tamamilə unikal hadisəni əhatə edir.
Diplomatik böhranlar və hərbi əməliyyatlar: 30 avqustda ərəb dövlətlərində nə baş verdi?
Ərəb dünyası yüzilliklər boyu qlobal güclərin maraq toqquşmalarına, milli istiqlal mübarizələrinə və regional ittifaqların yaranmasına meydan olmuşdur. 30 avqust tarixi də Yaxın Şərq və Şimali Afrika xalqlarının taleyində silinməz izlər qoyan hərbi-siyasi hadisələrlə zəngindir. Bu təqvim günündə müstəmləkə sərhədlərinin formalaşdırılmasından tutmuş beynəlxalq təşkilatların strateji atəşkəs qərarlarına qədər mühüm addımlar atılmışdır. Eyni zamanda hərbi toqquşmalar, siyasi təxliyələr və dövlətlərarası sərhəd sazişləri məhz bu tarixdə dönüş nöqtələri yaşamışdır. Fərqli tarixi dövrlərdə cərəyan edən proseslər ərəb coğrafiyasının bu günkü idarəetmə və təhlükəsizlik arxitekturasına əhəmiyyətli dərəcədə təsir etmişdir. Təqdim olunan xronologiya 30 avqustda ərəb dövlətlərində qeydə alınmış ən mühüm 20 tarixi hadisəni ardıcıllıqla əhatə edir.
İsrail Livanda dörd bölgəyə hücum etdi
İsrail ordusu Livanın cənubunda yerləşən Sur, Mərciyyun, Bint Cübeyl və Nəbətiyyə bölgələrinə hava və quru hücumları həyata keçirib. Livanın rəsmi NNA agentliyinin məlumatına görə, İsrail aviasiyası Sur şəhəri və ətraf yaşayış məntəqələrinə zərbələr endirib. Hücumlar zamanı bir sıra ərazilərdə yanğınlar baş verib, İsrailə məxsus hərbi sursat qalıqlarının partlaması nəticəsində bir nəfər yaralanıb.
Qəzzada ölənlərin sayı 73 min 231 nəfərə çatıb
Qəzzanın Səhiyyə Nazirliyi İsrail hücumları nəticəsində ölən fələstinlilərin sayının 73 min 231 nəfərə çatdığını açıqlayıb. Nazirliyin məlumatına görə, son 24 saat ərzində 8 nəfər ölüb, 32 nəfər yaralanıb. 2025-ci ilin oktyabrında başlayan atəşkəsdən sonra da itkilərin davam etdiyi bildirilib. Bu dövrdə 1 min 108 nəfərin öldüyü, 3 min 578 nəfərin yaralandığı qeyd olunub. 2023-cü il oktyabrın 7-dən bu yana yaralananların sayı 173 min 686 nəfərə çatıb. Qəzzada səhiyyə sistemi artan humanitar böhran fonunda fəaliyyətini davam etdirməyə çalışır. Beynəlxalq qurumlar bölgədə mülki əhalinin qorunmasına çağırırlar.
“Save the Children” Livandakı durumla bağlı xəbərdarlıq etdi
“Save the Children” təşkilatı bildirib ki, İsrail və “Hizbullah” arasında elan olunan atəşkəsə baxmayaraq, Livanda hər gün orta hesabla dörd uşaq öldürülür və ya yaralanır. Təşkilat mülki əhaliyə qarşı hücumların davam etdiyini vurğulayaraq daimi və pozulmaz atəşkəsə çağırıb.
İran Çinin Yaxın Şərqlə bağlı sülh təşəbbüsünə dəstək verdi
İran Çin Prezidenti Si Cinpinin Yaxın Şərqdə sülh və sabitliyin qorunmasına yönəlmiş dörd maddəlik təşəbbüsünü dəstəklədiyini açıqlayıb. İranın Çindəki səfiri Əbdolreza Rəhmani Fəzli bildirib ki, Pekinin planı Fars körfəzi regionunda davamlı təhlükəsizlik və ortaq inkişaf məqsədi daşıyır. Məsələ İran və Çin xarici işlər nazirləri arasında keçirilən görüşdə də müzakirə olunub. Çin son dövrlərdə Yaxın Şərqdə diplomatik rolunu gücləndirməyə çalışır.
İsrail qüvvələrinin Qələndiya düşərgəsinə reydi zamanı bir nəfər öldürülüb
İsrail qüvvələrinin İordan çayının qərb sahilində yerləşən Qələndiya qaçqın düşərgəsinə təşkil etdiyi reyd zamanı bir fələstinli həyatını itirib. Fələstin Səhiyyə Nazirliyi ölən şəxsin 30 yaşlı Əymən Rafiq Məhəmməd əl-Həşləmun olduğunu açıqlayıb. Məlumata görə, əməliyyat zamanı canlı sursat, gözyaşardıcı qaz və səs qumbaralarından istifadə edilib. Hadisə bölgədə onsuz da yüksək olan gərginliyi daha da artırıb.
Qəzzada son 48 saatda İsrail hücumları nəticəsində 5 fələstinli həlak oldu
Qəzza zolağında İsrail ordusunun həyata keçirdiyi hücumlar nəticəsində son 48 saat ərzində 5 fələstinli həlak olub, 15 nəfər isə yaralanıb. Rəsmi məlumata görə, 2025-ci ilin oktyabr ayında qüvvəyə minmiş atəşkəs razılaşmasından bəri ümumi ölənlərin sayı 850 nəfərə, yaralıların sayı isə 2433 nəfərə çatıb. Bundan əlavə, dağıntılar altından və küçələrdən 770 meyitin çıxarıldığı bildirilib.
ABŞ-Rusiya telefon diplomatiyası - İranla bağlı hansı məsələlər müzakirə edildi?
ABŞ prezidenti Donald Tramp İranla bağlı sərt bəyanatla çıxış edərək Tehranın dərhal təslim olmalı olduğunu bildirib və bu açıqlama Yaxın Şərqdə gərginliyi daha da artırıb. Tramp eyni zamanda İranla danışıqların davam etdiyini, lakin prosesin artıq birbaşa deyil, telefon vasitəsilə aparıldığını qeyd edib. ABŞ nümayəndə heyətinin Pakistana planlaşdırılan səfərinin ləğv edilməsi isə diplomatik prosesdə qeyri-müəyyənliyin artdığını göstərir.
İsrail Livandan çəkilmədən razılaşma olmayacaq - Nəvvaf Salam
Livan hökuməti İsrail qüvvələrinin tam geri çəkilməsi olmadan hər hansı razılaşmanı qəbul etməyəcəyini bəyan edib. Livanın baş naziri Nəvvaf Salam verdiyi açıqlamada ölkəsinin mövqeyinin dəyişməz olduğunu vurğulayıb. O bildirib ki, İsrailin Livan ərazisindən tam çıxması istənilən razılaşmanın əsas şərtidir və bu tələb yerinə yetirilmədən sənəd imzalanmayacaq.
Bağdad barıt çəlləyi üzərində: İraqı "Yaxın Şərq tufanı"ndan kim qoruyacaq?
ABŞ və İsrailin İrana qarşı müharibəsi başlamazdan əvvəl, hazırda müvəqqəti fəaliyyət göstərən Məhəmməd Şiə əs-Sudani hökuməti İraqı bölgədəki münaqişə dairələrindən uzaq tutmaqla bağlı diplomatik uğurları ilə öyünürdü. Lakin bu gün Bağdad, hərbi əməliyyatları canlı yayımlayan televiziya ekranlarının Təl-Əviv, Tehran və Beyrutla yanaşı dördüncü əsas nöqtəsinə çevrilib.
İrandan gələn raket və dron hücumlarının dəf edilməsi üçün BƏƏ hava məkanını bağlayıb
Birləşmiş Ərəb Əmirlikləri (BƏƏ) rəsmi xəbər agentliyinin məlumatına görə, dövlət ehtiyat tədbiri olaraq ölkənin hava məkanını müvəqqəti olaraq bağlayıb. VOA xəbər verir ki,BƏƏ Müdafiə Nazirliyi bəyanat yayaraq bildirib ki, hazırda ölkənin hava hücumundan müdafiə sistemləri İrandan gələn raket təhdidləri və pilotsuz uçuş aparatlarına (PUA) qarşı əməliyyat keçirir. Bu fövqəladə addım regionda hərbi gərginliyin artması fonunda atılıb.
