BAKI, AzerVoice

Səudiyyə Ərəbistanı Fələstin dövlətinə 30 milyon dollar yardım ayırıb.

AzerVoicexəbər verir ki, Fələstinin maliyyə naziri Ömər əl-Bitar 2025-ci il üçün nəzərdə tutulan dəstək çərçivəsində Səudiyyə Ərəbistanından 30 milyon dollar maliyyə yardımı aldığını açıqlayıb.

Ödəniş İordaniyanın paytaxtı Əmmanda keçirilən görüş zamanı Səudiyyə səfirliyinin müvəqqəti işlər vəkili Məhəmməd Munes tərəfindən təqdim olunub.

Əl-Bitar Səudiyyə Ərəbistanının davamlı siyasi və maliyyə dəstəyini yüksək qiymətləndirərək, bu yardımın Fələstin dövlətinin qarşı-qarşıya qaldığı maliyyə çətinliklərinin yüngülləşdirilməsində mühüm rol oynadığını vurğulayıb.

Qeyd edək ki, Səudiyyə Ərəbistanı son illərdə Fələstin dövlətinə təxminən 5,3 milyard dollar dəyərində humanitar və inkişaf yardımı göstərib. Riyad rəhbərliyi bu dəstəyi Fələstin xalqının qanuni hüquqlarına və müstəqil dövlət qurmaq səylərinə verdiyi sarsılmaz dəstəyin bir ifadəsi kimi qiymətləndirir.