BAKI,VOA,Yusif Şərifzadə
Birləşmiş Millətlər Təşkilatının işğal altındakı Fələstin əraziləri üzrə xüsusi məruzəçisi Françeska Albanese ABŞ-nin “Fələstin Fəaliyyəti” qrupuna qarşı sanksiyalarını tənqid edib.
VOA xəbər verir ki, Albanesenin sözlərinə görə, sanksiyalar beynəlxalq cinayətlərdə ittiham olunan bir dövləti məsuliyyətə cəlb etməyə çalışan şəxsləri hədəfə alır.
Xüsusi məruzəçi sosial şəbəkədə yayımladığı açıqlamada ABŞ-nin bu addımının daha geniş tənqidçi çevrəsini susdurmağa yönəldiyini bildirib.
“Əsas məqsəd aydındır: çoxlarını susdurmaq üçün bir neçə nəfəri hədəfə almaq”, – deyə Albanese qeyd edib.
O, bununla ABŞ-nin “Fələstin Fəaliyyəti” qrupuna qarşı qərarının yalnız həmin təşkilatla məhdudlaşmadığını, Fələstin məsələsi ilə bağlı məsuliyyət tələb edən digər şəxslərə də təsir göstərə biləcəyini nəzərdə tutub.
