Əli Əsədov BMT Baş katibinin xüsusi elçisi ilə görüşüb

Baş nazir Əli Əsədov BMT Baş katibinin Yol Təhlükəsizliyi üzrə xüsusi elçisi Jan Todt ilə görüş keçirib. Görüşdə Azərbaycan ilə BMT arasında əməkdaşlığın inkişafından məmnunluq ifadə olunub. Tərəflər qlobal yol hərəkəti təhlükəsizliyinin təşviqi istiqamətində görülən işləri müzakirə ediblər. Azərbaycanda yol-nəqliyyat infrastrukturunun müasirləşdirilməsi və rəqəmsal həllərin tətbiqi ilə bağlı həyata keçirilən islahatlar barədə məlumat verilib. Həmçinin yol hərəkəti təhlükəsizliyi sahəsində beynəlxalq təcrübənin öyrənilməsi və əməkdaşlığın genişləndirilməsi məsələləri nəzərdən keçirilib. Görüşdə qarşılıqlı maraq doğuran digər mövzular da müzakirə olunub. Tərəflər bu sahədə əməkdaşlığın davam etdirilməsinin vacibliyini vurğulayıblar.

1 İyul 2026 17:45

BAKI, VOA

Azərbaycan Respublikasının Baş naziri Əli Əsədov iyulun 1-də BMT Baş katibinin Yol Təhlükəsizliyi üzrə xüsusi elçisi Jan Todt ilə görüşüb.

Bu barədə Nazirlər Kabinetinin Mətbuat xidməti məlumat yayıb.

Bildirilib ki, görüş zamanı Azərbaycan ilə BMT arasında müxtəlif istiqamətlərdə uğurla inkişaf edən əməkdaşlıqdan məmnunluq ifadə olunub.

BMT Baş katibinin Yol Təhlükəsizliyi üzrə xüsusi elçisinin mandatı çərçivəsində qlobal yol hərəkəti təhlükəsizliyinin təşviqi istiqamətində aparılan fəaliyyət yüksək qiymətləndirilib.

Azərbaycanda yol hərəkəti təhlükəsizliyinin təmin olunması, yol-nəqliyyat infrastrukturunun müasir tələblərə uyğun inkişaf etdirilməsi, rəqəmsal həllərin tətbiqi vasitəsilə nəqliyyat sisteminin təkmilləşdirilməsi sahəsində həyata keçirilən ardıcıl islahatlar barədə bəhs olunub.

Görüşdə yol hərəkəti təhlükəsizliyi sahəsində beynəlxalq təcrübənin öyrənilməsi, bu istiqamətdə əməkdaşlığın genişləndirilməsi və qarşılıqlı maraq doğuran digər məsələlər müzakirə olunub.