Baku, AzerVoice
Fevralın 14-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin, Quba-Xaçmaz Regional Gənclər və İdman İdarəsinin Şabran rayonu üzrə Gənclər və İdman sektorunun, Şabran Rayon Polis Şöbəsinin birgə təşkilatçılığı ilə Şabran rayonu Şahnəzərli kəndi Ə.Quliyev adına tam orta məktəbində, “Radikal dini cərəyanların mahiyyəti və gənclərə psixoloji təsir üsulları” mövzusunda seminar keçirilib.
AzerVoice xəbər verir ki,Seminarda DQİDK-nın Quba bölgəsi üzrə şöbəsinin əməkdaşı Azər Tağıyev, Quba-Xaçmaz Regional Gənclər və İdman İdarəsinin Şabran rayonu üzrə Gənclər və İdman sektorunun müdiri Süleyman Əliməmmədov, həmin sektorun baş məsləhətçisi Vüsal Alışov, Şabran Rayon Polis Şöbəsinin Yetginlik yaşına çatmayanlarla profilaktik işin təşkili qrupunun baş inspektoru Elnur Bayramov, məktəbin direktoru Finurə Ələsgərova, pedaqoqlar, psixoloqlar, gənclər və məktəblilər iştirak edib.
Çıxışlar zamanı, dini radikalizm anlayışı, dini radikalizmin yaranmasının səbəbləri və onun ağır fəsadları, dini radikalizmdən qorunmağın yolları haqqında məlumat verilərək qeyd edilib ki, dini radikalizmlə mübarizə çərçivəsində həm DQİDK tərəfindən, həm də müvafiq qurumlarla birgə ardıcıl iş aparılır, tədbirlər təşkil olunur, maarifləndirici dini ədəbiyyat nəşr edilir və əsasən gənclər arasında paylanılır. Milli-mənəvi və dini dəyərlərimizin qorunması, eləcə də vətənpərvərlik prinsiplərinin təbliğində cəmiyyətin, xüsusilə gənclərin üzərinə düşən mühüm vəzifələr barəsində geniş fikir mübadiləsi aparılaraq bildirilmişdir ki, dini radikalizmə qarşı effektli mübarizə yolu savadlı və bilikli gəncliyin yetişdirilməsindən keçir.
Seminar müzakirələrlə davam etdirilib, gənclərin sualları aidiyyatı üzrə cavablandırılıb.
