BAKI, AzerVoice

Ramiz Mehdiyevin AMEA-nın həqiqi üzvlüyü məsələsinə məhkəmə qərarından sonra baxılacaq.

Bunu AzerVoice-a bu gün Yusif Məmmədəliyevin 120 illik yubileyinə həsr olunan “Yusif Məmmədəliyev: Elm. İrs. İnnovasiyalar” adlı beynəlxalq konfransı çərçivəsində AMEA prezidenti İsa Həbibbəyli açıqlamasında bildirib.

O qeyd edib ki, Azərbaycan Milli Elmlər Akademiyası yaranmış vəziyyətə görə dərin təəssüf hissi keçirir.

Xatırladaq ki, Səbail rayon məhkəməsi Ramiz Mehdiyev barədə cinayət işi üzrə qərar qəbul edib. Qərara əsasən, məhkəmə xüsusilə ağır cinayət əməllərinə görə cinayət məsuliyyətinə cəlb edilmiş Ramiz Mehdiyev barədə verilmiş vəsatəti təmin edərək, 4 ay müddətinə ev dustaqlığı qətimkan tədbiri seçib.

O, Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.