BAKI,AzerVoice, Fərid Mikayılov
Birləşmiş Millətlər Təşkilatının Mərkəzi Asiya ölkələrinin iqtisadiyyatları üçün Xüsusi Proqramı (SPECA) çərçivəsində iqlim dəyişikliyi sahəsində yeni beynəlxalq təşəbbüs irəli sürülüb.
AzerVoice xəbər verir ki, iclasda Türkmənistanın 2025-ci ildə SPECA-ya sədrliyi dövründə görülən işlərin yekunları nəzərdən keçirilib, proqramın fəaliyyətinin gələcək mərhələdə daha da gücləndirilməsi ilə bağlı məsələlər müzakirə olunub.
Rəhbərlər Şurasının iclasında, həmçinin SPECA-nın 2026–2027-ci illər üçün iş planının qəbulu məsələsinə baxılıb və proqram çərçivəsində çoxtərəfli sənədlərin imzalanma mərasimi baş tutub.
Bundan əlavə, SPECA iqtisadi forumunun və Rəhbərlər Şurasının növbəti iclasının keçiriləcəyi tarix və yer ilə bağlı müvafiq qərarlar qəbul edilib.
Günün ikinci yarısında təşkil olunan BMT-nin SPECA Çoxtərəfli Etimad Fondunun İdarəetmə Komitəsinin üçüncü iclası isə SPECA həftəsi çərçivəsində aparılan çoxşaxəli müzakirələrin yekunu kimi qiymətləndirilib.
