BAKI,VOA

Maliyyə nazirinin birinci müavini Anar Kərimov yeni vəzifəyə təyin edilib.

VOA xəbər verir ki, bununla bağlı Baş nazir Əli Əsədov müvafiq qərar imzalayıb.

Qərara əsasən, “Aqrarkredit” Qapalı Səhmdar Cəmiyyəti Bank olmayan Kredit Təşkilatı tərəfindən “Azərbaycan Beynəlxalq Bankı” Açıq Səhmdar Cəmiyyətindən alınmış problemli aktivlərin əvəzində mövcud qanunvericiliyə uyğun olaraq əldə edilmiş və balansında olan, balans dəyəri 1 milyon manatdan çox olan əmlakların, yerli və xarici aktivlərin və ya onlar üzrə borcların tələb hüquqlarının satılması və kənar idarəçilərə idarəetməyə verilməsi üzrə Müsabiqə Komissiyasının sədri vəzifəsinə maliyyə nazirinin birinci müavini Anar Kərimov təyin edilib.

Daha əvvəl bu vəzifəni maliyyə nazirinin sabiq müavini, iqtisadiyyat nazirinin müavini Azər Bayramov icra edirdi.