Kambocada qısa müddətdə “ASAN xidmət” təcrübəsi tətbiq olunacaq

Kambocada yaxın vaxtlarda Azərbaycanın “ASAN xidmət” modeli tətbiq olunacaq. Bu barədə “ASAN xidmət” məlumat yayıb. Kambocanın Azərbaycandakı yeni səfiri Sok Çea “ASAN xidmət” mərkəzinin fəaliyyəti ilə tanış olub. Dövlət Agentliyinin sədri Ülvi Mehdiyev qonağa xidmət mərkəzlərinin fəaliyyəti və innovativ həllər barədə məlumat verib. Bildirilib ki, “ASAN xidmət” modeli artıq 35-dən çox ölkəyə ixrac olunur. Görüşdə Kamboca ilə imzalanmış Anlaşma Memorandumunun icrası da müzakirə edilib. Tərəflər əməkdaşlığın genişləndirilməsi istiqamətində görülən işləri nəzərdən keçiriblər. Layihə Azərbaycanın uğurlu dövlət xidmətləri modelinin beynəlxalq miqyasda yayılmasının növbəti nümunəsi hesab olunur.

17 İyul 2026 17:33

BAKI,VOA

Kambocada qısa müddətdə “ASAN xidmət” təcrübəsi tətbiq olunacaq.

Bu barədə "ASAN xidmət" məlumat yayıb.

Bildirilib ki, Kamboca Krallığının ölkəmizdə yeni təyin olunmuş fövqəladə və səlahiyyətli səfiri Sok Çea “ASAN xidmət”in fəaliyyəti ilə tanış olub.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev qonağa Prezident İlham Əliyevin təşəbbüsü əsasında yaradılmış “ASAN xidmət” mərkəzləri və burada tətbiq olunan innovasiyalar barədə məlumat verib. Milli brendimiz olan “ASAN xidmət”in 35-dən çox ölkəyə ixracı istiqamətində əməkdaşlıq edildiyi diqqətə çatıdırılıb.

Həmçinin görüş zamanı ötən ilin dekabr ayında Kambocanın müvafiq qurumu ilə imzalanmış Anlaşma Memorandumunun icrası istiqamətində görülən işlər müzakirə olunub.