Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan və Türkiyə Prezidenti Rəcəb Tayyib Ərdoğan telefon danışığı zamanı iki ölkə arasında əməkdaşlığın inkişaf etdirilməsi və regional vəziyyəti müzakirə ediblər.
ArabAZ xəbər verir ki,telefon danışığı zamanı liderlər ölkələr arasında əməkdaşlığın genişləndirilməsi və əlaqələrin daha da möhkəmləndirilməsi yollarını nəzərdən keçiriblər. Bildirilib ki, bu əməkdaşlıq iki ölkənin inkişaf prioritetlərinə, qarşılıqlı maraqlarına və xalqların rifahına xidmət etməlidir.
Tərəflər həmçinin qarşılıqlı maraq doğuran bir sıra məsələlər, xüsusilə Yaxın Şərqdəki regional proseslər və onların həlli istiqamətində davam edən səylər barədə fikir mübadiləsi aparıblar.
Liderlər Yaxın Şərqdə təhlükəsizlik və sabitliyin gücləndirilməsi, eləcə də regionun bütün xalqlarının maraqları naminə davamlı sülhün təmin olunması istiqamətində səylərin artırılmasının vacibliyini vurğulayıblar.
