İranın Fars körfəzində yerləşən və ölkənin əsas neft terminallarından biri olan Xərq adası yaxınlığında şənbə günü partlayış səsləri eşidilib. Hadisənin səbəbi hələlik məlum deyil.
ArabAZ xəbər verir ki,İranın yarırəsmi Fars xəbər agentliyi partlayış səslərinin Xark adası yaxınlığında eşidildiyini bildirib. Körfəz istiqamətindən partlayış səsləri gəlsə də, tüstü müşahidə olunmayıb.
İranın dövlətə bağlı “Nournews” nəşri isə yerli mənbələrə istinadla Xərq yaxınlığında İran tankerinin ABŞ qüvvələri tərəfindən atılan raketlə hədəfə alındığı barədə təsdiqlənməmiş məlumat yayıb.
İran rəsmiləri hadisə ilə bağlı hələlik rəsmi açıqlama verməyib.
