İran dövlət mediası ABŞ-nin hədəfə aldığı neftdaşıyan gəmilərin heyətinin sahilə çıxarıldığını bildirib
İran dövlət mediası ABŞ-nin hədəfə aldığı neftdaşıyan gəmilərin heyətlərinin xilasedici qayıqlardan istifadə etməklə sahilə çıxarıldığını və Xark adası yaxınlığındakı hücumda ölən olmadığını bildirib.
ABŞ ordusu İranın hədəfə alınan neftdaşıyan gəmilərinin adlarını açıqlayıb
ABŞ Mərkəzi Komandanlığı İranın “Downy”, “Stark 1” və “Kylo” neftdaşıyan gəmilərinin hədəfə alındığını və sonuncunun tamamilə məhv edildiyini açıqlayıb.
İran gəmilərinə zərbələr hərbi gəmilərimizə hücumdan sonra endirilib - ABŞ
ABŞ Mərkəzi Komandanlığı İranın iki ABŞ hərbi gəmisinə raket hücumundan sonra üç İran neftdaşıyan gəmisinə zərbə endirildiyini açıqlayıb.
İranın Xərq adası yaxınlığında partlayış səsləri eşidilib
İranın Fars körfəzində yerləşən və ölkənin əsas neft terminallarından biri olan Xark adası yaxınlığında şənbə günü partlayış səsləri eşidilib.
Tramp Xark adası ilə bağlı paylaşımı ilə İrana mesaj göndərir - Vens
ABŞ vitse-prezidenti Cey Di Vens Donald Trampın Xark adası ilə bağlı paylaşımının İrana mesaj olduğunu bildirib. Tramp sosial şəbəkədə adanın məhv edilməsi ilə bağlı video paylaşım yayıb. Vens qeyd edib ki, bu paylaşım İran rəhbərliyinə xəbərdarlıq məqsədi daşıyır. ABŞ rəsmisi ordunun Xark adasını hədəfə almadığını açıqlayıb. İran tərəfi isə Trampın paylaşımını məsxərəli adlandırıb. Xark adası İranın neft ixracı üçün mühüm mərkəz hesab olunur. ABŞ-nin son zərbələrində Larək adasındakı iki raket qurğusunun hədəfə alındığı bildirilib.
ABŞ-İsrail zərbələri Xark adasında neft hasilatını dayandıra bilməyib - İran
İranın Xark adası ABŞ və İsrail tərəfindən bir neçə dəfə bombalansa da, zərbələr adada neft hasilatını dayandırmayıb. Bu barədə İran Milli Neft Şirkətinin baş direktoru məlumat verib. İranın yarırəsmi Fars agentliyinin məlumatına görə, rəsmi şəxs ABŞ Prezidenti Donald Trampın Xark adasının “tamamilə dağıdıldığı” barədə əvvəlki açıqlamasına cavab olaraq bildirib ki, adadakı işlər davam edir.
İran rəsmiləri Xark adasındakı neft infrastrukturuna baxış keçiriblər
İran parlamenti sədrinin müavini Əli Nikzad Xark adasındakı neft infrastrukturuna baxış keçirib. Səfər ABŞ-nin bir neçə ay davam edən hücumlarından sonra həyata keçirilib. İran rəsmisi adadakı neft obyektlərinin mövcud vəziyyəti ilə tanış olub. Xark adası İranın neft ixracı üçün strateji əhəmiyyət daşıyan əsas məntəqələrdən biridir. Ən yüksək fəaliyyət dövründə ölkənin ümumi neft ixracının təxminən 90 faizi bu ada vasitəsilə həyata keçirilib. Xark adasının gündə təxminən 1,5 milyon barel neftin ixrac üçün hazırlanması imkanına malik olduğu bildirilir. Buna görə adadakı infrastrukturun fəaliyyəti İranın neft gəlirlərinin qorunması baxımından mühüm əhəmiyyət daşıyır. Əli Nikzadın səfəri hücumlardan sonra neft obyektlərinin vəziyyətinin qiymətləndirilməsi fonunda baş tutub.
Hörmüz boğazından neft tankerlərinin keçidi demək olar ki, dayanıb
Hörmüz boğazında neft tankerlərinin hərəkəti demək olar ki, dayanma səviyyəsinə çatıb. “Reuters”in məlumatına görə, cümə axşamı səhər saatlarında boğazdan yalnız iki tanker keçib. Onlardan biri İranın Xark adasından yüklənmiş və ABŞ sanksiyalarına məruz qalan “Berg 1” adlı böyük neft tankeridir. Digər gəmi isə kimyəvi maddə daşıyan “Well Sail” tankeridir. Regionda artan hərbi gərginlik enerji daşımalarına ciddi təsir göstərir. Hörmüz boğazında yaranan qeyri-müəyyənlik dünya neft bazarlarında narahatlıq yaradır.
Heç bir amerikalı əsgər sağ qayıtmayacaq - İbrahim Rzayi
İran parlamentinin Xarici siyasət və milli təhlükəsizlik komitəsinin sözçüsü İbrahim Rzayi ABŞ Prezidenti Donald Trampın son açıqlamalarına sərt cavab verib. O bildirib ki, ABŞ-nin İrana qarşı mümkün hərbi müdaxiləsi baş verərsə, heç bir amerikalı əsgər sağ qayıtmayacaq. Rzayi bu fikirləri sosial şəbəkədə yayımladığı paylaşımında səsləndirib. O, Donald Trampın Xark adası ilə bağlı dediklərinə cavab olaraq İranın hər cür ssenariyə hazır olduğunu bildirib. İran rəsmisi ABŞ-yə açıq çağırış da edib. Bu açıqlama Vaşinqton və Tehran arasında gərginliyin daha da artdığı bir dövrdə verilib. Tərəflərin qarşılıqlı sərt bəyanatları bölgədə narahatlığı artırmaqda davam edir.
İran ABŞ-ın yeni təhdidlərinə necə cavab verəcək?
ABŞ Prezidenti Donald Tramp İrana endirilən son zərbələrin böyük nəticə verdiyini iddia edib. O bildirib ki, hücumlar İranın yenidən qurduğu hava müşahidə sistemlərini məhv edib, lakin bu fikrini təsdiqləyən sübut təqdim etməyib. Tramp Vaşinqtonun hərbi əməliyyatları daha da genişləndirə biləcəyini də istisna etməyib. Onun sözlərinə görə, zərurət yaranarsa İranın elektrik stansiyaları və elektrik enerjisi istehsalı müəssisələri də hədəfə çevrilə bilər. ABŞ Prezidenti duzsuzlaşdırma qurğularının da vurula biləcəyini bildirib. O, həmçinin strateji əhəmiyyət daşıyan Xark adasına nəzarətin ələ keçirilə biləcəyini iddia edib. Trampın bu açıqlamaları ABŞ ilə İran arasında gərginliyin daha da artacağı ehtimallarını gücləndirib.
ABŞ Hərbi Dəniz Qüvvələrinin blokadası necə pozuldu?
Sanksiyaya məruz qalan tanker ABŞ blokadasını gizli şəkildə aşaraq mayın 16-da Xark adasında neft qazı yükləyib. Peyk görüntüləri əməliyyatı təsdiqləyir və terminalın İranın enerji ixracında strateji əhəmiyyəti vurğulanır.
ABŞ-ın İrana qarşı quru hücumunun beş ssenarisi – hansı qapı istifadə olunacaq
Onilliklər ərzində ABŞ-ın İrana quru hücumu ehtimalı, idarəolunmaz fəsadları və hədsiz yüksək xərcləri səbəbindən "qırmızı xətt" hesab olunurdu. Lakin bu gün ABŞ-İsrail koalisiyasının İrana qarşı apardığı müharibənin şiddətlənməsi ilə dünən qeyri-mümkün görünənlər bu gün real ehtimala çevrilir. Artıq müzakirələr hücumun olub-olmayacağı deyil, onun haradan başlayacağı və strateji qazanc gətirib-gətirməyəcəyi ətrafında gedir.
