İran ABŞ-ın yeni təhdidlərinə necə cavab verəcək?

ABŞ Prezidenti Donald Tramp İrana endirilən son zərbələrin böyük nəticə verdiyini iddia edib. O bildirib ki, hücumlar İranın yenidən qurduğu hava müşahidə sistemlərini məhv edib, lakin bu fikrini təsdiqləyən sübut təqdim etməyib. Tramp Vaşinqtonun hərbi əməliyyatları daha da genişləndirə biləcəyini də istisna etməyib. Onun sözlərinə görə, zərurət yaranarsa İranın elektrik stansiyaları və elektrik enerjisi istehsalı müəssisələri də hədəfə çevrilə bilər. ABŞ Prezidenti duzsuzlaşdırma qurğularının da vurula biləcəyini bildirib. O, həmçinin strateji əhəmiyyət daşıyan Xark adasına nəzarətin ələ keçirilə biləcəyini iddia edib. Trampın bu açıqlamaları ABŞ ilə İran arasında gərginliyin daha da artacağı ehtimallarını gücləndirib.

8 İyul 2026 20:07

BAKI,VOA,Yusif Şərifzadə

ABŞ Prezidenti Donald Tramp İrana endirilən son zərbələrin böyük təsir göstərdiyini iddia edib.

VOA xəbər verir ki, Tramp Ankarada jurnalistlərə açıqlamasında hücumların İranın yenidən qurmağa çalışdığı hava müşahidə sistemlərini sıradan çıxardığını bildirib. O, bu iddiasını təsdiqləyən hər hansı sübut təqdim etməyib.

ABŞ Prezidenti Vaşinqtonun zərurət yaranacağı təqdirdə hücumları daha da genişləndirə biləcəyini deyib. Tramp İranın elektrik enerjisi istehsalı müəssisələrinin və elektrik stansiyalarının da hədəfə çevrilə biləcəyini bildirib.

O, həmçinin duzsuzlaşdırma qurğularının da zərurət yaranarsa vurula biləcəyini söyləyərək, belə addım atmaq istəmədiyini qeyd edib.

Tramp əlavə edib ki, ABŞ İran sahilləri yaxınlığında yerləşən strateji Xark adasına nəzarəti ələ keçirə bilər. Onun sözlərinə görə, İranın bunun qarşısını almaq üçün heç nə edə bilməyəcəyini iddia edib.