BAKI,VOA, Həcər Nazarova
Iranın Xark adası ABŞ və İsrail tərəfindən bir neçə dəfə bombalansa da, zərbələr adada neft hasilatını dayandırmayıb. Bu barədə Milli İran Neft Şirkətinin baş direktoru məlumat verib.
İranın yarırəsmi Fars agentliyinin məlumatına görə, rəsmi şəxs ABŞ Prezidenti Donald Trampın Xark adasının “tamamilə dağıdıldığı” barədə əvvəlki açıqlamasına cavab olaraq bildirib ki, adadakı işlər davam edir. O, Trampın sözlərini “gülünc” adlandırıb.
“Hazırda bir neçə podratçı saxlama çənlərinin bərpası və yenilənməsi üzrə iş aparır. Xarkda davam edən işlərin heç biri dayandırılmayıb. Bəzi layihələr hazırda 20-30 faiz tamamlanıb və onların icrası davam edir”, – deyə rəsmi bildirib.
ABŞ rəsmisinin Axios-a verdiyi məlumata görə, bazar günü ABŞ qüvvələri Larak adasında iki İran raket buraxılış qurğusuna zərbə endirib. Bu, iyulun sonundan etibarən ABŞ-ın İran ərazisinə endirdiyi ilk zərbələr olub.
Buna cavab olaraq İran İslam İnqilabı Keşikçiləri Korpusu ABŞ-ın Birləşmiş Ərəb Əmirlikləri və İordaniyadakı bazalarına raket və pilotsuz uçuş aparatları ilə zərbələr endirdiyini açıqlayıb.
