BAKI,VOA Orxan Qədirzadə
Suriyanın Prezidenti Əhməd əş-Şəraa Süveyda vilayətinin şagirdlərinə əsas və orta təhsil üzrə buraxılış imtahanlarında iştirak üçün xüsusi sessiyanın keçirilməsi barədə fərman imzalayıb.
Fərmana əsasən, 2026-cı il imtahanlarında iştirak etməyən və ya bütün fənlər üzrə imtahan verə bilməyən, tələb olunan şərtlərə cavab verən şagirdlər xüsusi sessiyada iştirak edə biləcək.
Xüsusi imtahanların Süveyda vilayətinin kənd ərazisində keçirilməsi planlaşdırılır. Vilayət qubernatoru Mustafa əl-Bəkur bunun şagirdlərin təhsillərini davam etdirməsi üçün yeni imkan yaradacağını bildirib.
Qərar Süveyda sakinlərinin avqustun 10-da təhsil idarəsinin qarşısında keçirdiyi etiraz aksiyasından sonra qəbul edilib. Aksiya iştirakçıları vilayətdə xüsusi imtahan sessiyasının təşkilini tələb ediblər.
Şagirdlərin imtahan üçün vilayətdən kənara aparılması planı isə Süveyda-Dəməşq yolunun bloklanması səbəbilə baş tutmayıb. Əvvəlki məlumatlara görə, vilayətdə əsas və orta təhsil imtahanlarında iştirak edənlərin sayı 5 faizi keçməyib.
