Türkiyədə yanvar ayında işsizlik artıb: Rəsmi göstərici 8,1 faizə yüksəldi
Türkiyə Statistika Komitəsinin (TÜİK) açıqladığı 2026-cı ilin yanvar ayına dair işçi qüvvəsi hesabatına əsasən, ölkədə işsizlik səviyyəsi ötən ayla müqayisədə 0,3 faiz artaraq 8,1 faiz təşkil edib. Bu dövrdə 15 və daha yuxarı yaşdakı şəxslər arasında işsizlərin sayı 73 min nəfər artaraq ümumilikdə 2 milyon 819 min nəfərə çatıb. Gender bölgüsünə gəldikdə isə işsizlik dərəcəsi kişilərdə 6,6 faiz, qadınlarda isə 11,0 faiz olaraq qiymətləndirilib.
Türkiyədə işsizlərin sayı azalıb
2025-ci ilin son rübündə Türkiyədə işsizlik səviyyəsi azalma nümayiş etdirib. Türkiyə Statistika Qurumunun açıqladığı 2025-ci ilin oktyabr-dekabr aylarını əhatə edən məlumatlara əsasən, işsizlik səviyyəsi əvvəlki rüblə müqayisədə 0,2 faiz azalaraq 8,2 faiz təşkil edib. Beləliklə, işsizlik göstəricisi ardıcıl olaraq 12 rübdür birrəqəmli səviyyədə qalıb. Məlumata görə, 15 və yuxarı yaşda olan əhali arasında mövsümi təsirlərdən təmizlənmiş işsizlərin sayı 58 min nəfər azalaraq 2 milyon 913 min nəfərə enib. İşsizlik səviyyəsi illik müqayisədə də 0,3 faiz bəndi azalıb.
Türkiyə iqtisadiyyatı 1,5 trilyon dolları keçərək tarixi rekord qırıb - Ərdoğan
Türkiyə iqtisadiyyatı 1,5 trilyon dolları keçərək tarixi rekord qırıb. bu sözləri Türkiyə Prezidenti Rəcəb Tayyib Ərdoğan Türkiyə Girişimci İş İnsanları Konfederasiyasının (TÜGİK) 7-ci Növbədənkənar Baş Assambleyasında çıxış edərək bildirib. Ölkənin son dörddəbir əsrdə qət etdiyi iqtisadi sıçrayışdan danışıb. Dövlət başçısı Türkiyə iqtisadiyyatının 1 trilyon 538 milyard dollar səviyyəsinə yüksələrək yeni bir rekorda imza atdığını diqqətə çatdırıb. O qeyd edib ki, Türkiyə 2025-ci ilin üçüncü rübündə 3,7 faiz artım nümayiş etdirərək İƏİT (OECD) ölkələri arasında ən sürətlə böyüyən üçüncü iqtisadiyyat olmağı bacarıb.
Türkiyədə oktyabr ayında məşğulluq səviyyəsi artıb, işsizlik azalıb
Türkiyədə oktyabr ayında işsizlik əvvəlki aya nisbətən 0,1 faiz bəndi azalaraq 8,5 faiz səviyyəsində qeydə alınıb. Bu barədə Türkiyə Statistika Qurumu (TÜİK) məlumat yayıb. Məlumata görə, 15 yaş və yuxarı şəxslər arasında işsizlərin sayı bir əvvəlki aya nisbətən 27 min nəfər azalaraq 3 milyon 33 min nəfərə çatıb. İşsizlik səviyyəsi kişi işçilər arasında 7 faiz, qadınlarda isə 11,3 faiz təşkil edib.
Türkiyədə sentyabr ayında məşğulluq səviyyəsi azalıb, işsizlik sabit qalıb
Türkiyədə işsizlik səviyyəsi sentyabr ayında əvvəlki aya nisbətən dəyişməyərək 8,6 faiz səviyyəsində qalıb. Bu dövrdə işsizlərin sayı 3 milyon 75 min nəfər olaraq qeydə alınıb. Məlumata görə, 15 yaş və yuxarı şəxslər arasında işsizlərin sayı əvvəlki aya nisbətən 12 min nəfər artaraq 3 milyon 75 min nəfərə çatıb. İşsizlik səviyyəsi kişi işçilər arasında 7,4 faiz qadınlarda isə 11,1 faiz təşkil edib.
Türkiyədə işsizlərin sayi artıb
Türkiyədə işsizlik nisbəti avqust ayında əvvəlki ayla müqayisədə 0,4 faiz bəndi artaraq 8,5 faiz oldu. Bu dövrdə işsizlərin sayı 3 milyon 44 min nəfər olaraq müəyyənləşdirildi. Türkiyə Statistika Qurumu (TÜİK), avqust ayına aid əmək bazarı statistikalarını açıqlayıb. Buna görə, 15 və daha yuxarı yaşda olan şəxslər arasında işsizlərin sayı 2025-ci ilin avqust ayında əvvəlki ayla müqayisədə 168 min nəfər artaraq 3 milyon 44 min nəfərə çatıb. İşsizlik nisbəti isə 0,4 faiz bəndi artaraq 8,5 faiz səviyyəsində reallaşıb. İşsizlik nisbəti kişilər arasında 6,8 faiz, qadınlar arasında isə 11,6 faiz olaraq təxmin edilib.
