ABŞ və Çin sentyabrda süni intellekt təhlükəsizliyi üzrə danışıqlara hazırlaşır
ABŞ və Çin sentyabrın ortalarında süni intellekt təhlükəsizliyi ilə bağlı ilk xüsusi ikitərəfli danışıqları keçirməyə hazırlaşır və əsas diqqət kiberhücum riskləri ilə əməkdaşlıq imkanlarına yönələcək.
Fələstin məsələsi heç vaxt diqqətdən kənarda qalmamalıdır - Si Cinpin
Çin Prezidenti Si Cinpin Fələstin məsələsinin Yaxın Şərq probleminin əsasını təşkil etdiyini bildirib. O, Fələstin məsələsinin heç vaxt diqqətdən kənarda saxlanılmamalı və ikinci plana keçirilməməli olduğunu vurğulayıb. Çin lideri bu fikirləri Qahirədə Misir Prezidenti Əbdülfəttah əs-Sisi ilə danışıqları zamanı səsləndirib. Si Cinpin Yaxın Şərq ölkələrinin bölgə üçün yeni təhlükəsizlik sistemi yaratmaq səylərini dəstəklədiyini bildirib. O, ümumi təhlükəsizliyin təmin edilməsi üçün hərtərəfli həll yolunun tapılmasına çağırıb. Çin Prezidenti BMT-nin bölgədə təsirli rolunun dəstəklənməsini də vacib hesab edib. Hörmüz boğazındakı gərginliyə toxunan Si Cinpin beynəlxalq dəniz yollarının təhlükəsizliyinin qorunması üçün Yaxın Şərq ölkələri ilə əməkdaşlığa hazır olduqlarını bildirib. Si Cinpinin Qahirəyə hazırkı səfəri onun son 10 ildə Misirə ilk səfəridir.
Si Cinpin Yaxın Şərqə xarici müdaxilənin dayandırılmasını istəyib
Çin Prezidenti Si Cinpin Yaxın Şərqdə xarici müdaxilənin rədd edilməsinə çağırıb. O, xarici qüvvələrin bölgəyə münasibətdə ikili yanaşmadan imtina etməli olduğunu bildirib. Çin lideri bu fikirləri Qahirədə Misir Prezidenti Əbdülfəttah əs-Sisi ilə görüşü zamanı səsləndirib. Açıqlama barədə Çinin dövlət xəbər agentliyi “Sinxua” məlumat yayıb. Si Cinpin bölgə məsələlərində Yaxın Şərq ölkələrinin mövqeyinə hörmət edilməsinin vacibliyini vurğulayıb. O, xarici qüvvələrin müdaxiləsinin bölgədəki vəziyyətə təsirinə diqqət çəkib. Çin Prezidentinin açıqlaması Yaxın Şərqdə hərbi və siyasi gərginliyin artdığı bir vaxta təsadüf edir. Görüşdə bölgədəki mövcud vəziyyət ətrafında fikir mübadiləsi aparılıb.
Si Cinpinin Misir səfəri: Çin ABŞ-ın Yaxın Şərqdəki təsirinə meydan oxuyur
Çin Prezidenti Si Cinpinin Misirə səfəri Pekinlə Qahirə arasında iqtisadi və diplomatik əlaqələrin möhkəmləndirilməsindən daha geniş məna daşıyır. VOA xəbər verir ki, Çin ABŞ-ın Yaxın Şərqdəki əsas müttəfiqlərindən biri olan Misirlə əlaqələrini genişləndirərək regionda təsir imkanlarını artırmağa çalışır. Si Cinpin səfər çərçivəsində Misir Prezidenti Əbdülfəttah əs-Sisi ilə görüşəcək
Qırğızıstan və Çin arasında 30-dan çox sənəd imzalanıb
Qırğızıstan və Çin arasında müxtəlif sahələrdə əməkdaşlığın genişləndirilməsini nəzərdə tutan 30-dan çox sənəd imzalanıb. Razılaşmalar Çin Sədri Si Cinpinin Qırğızıstana dövlət səfəri çərçivəsində əldə olunub.
Zelenki Çin kartına ümid edir: Ukrayna-Rusiya müharibəsinin dayandırılmasında Pekinin rolu arta bilər
Ukrayna Prezidenti Volodimir Zelenski Çinlə əməkdaşlığın genişləndirilməsinə və Pekinin Rusiya-Ukrayna müharibəsinin sona çatdırılması prosesində daha fəal diplomatik rol oynamasına ümid etdiyini açıqlayıb. Zelenski Çinin dövlət başçısı Si Cinpinin Ukraynanın Müstəqillik Günü münasibətilə göndərdiyi təbrikə cavab olaraq sosial şəbəkədə paylaşım edib. O, “Sülh bizim ortaq nailiyyətimiz ola bilər” ifadəsini işlədərək Pekinin müharibənin dayandırılması istiqamətində roluna diqqət çəkib.
Fələstin məsələsi Yaxın Şərq probleminin mərkəzində dayanır - Si Cinpin
Çin Sədri Si Cinpin İordaniya Kralı II Abdullahla Pekində görüşüb. Çin lideri Fələstin məsələsini Yaxın Şərq probleminin mərkəzi məsələsi adlandırıb. Si Cinpin İsrail–Fələstin qarşıdurmasının siyasi həllinə çağırıb. O, tərəflər arasında sülh danışıqlarının yenidən başlanmasının vacibliyini vurğulayıb. Çin lideri müstəqil Fələstin dövlətinin mümkün qədər tez yaradılmasını dəstəklədiyini bildirib. Pekin Fələstin məsələsinin iki dövlət prinsipi əsasında həllinin tərəfdarıdır. İordaniya da Fələstin məsələsində mühüm regional tərəflərdən biri olaraq qalır. Görüş Yaxın Şərqdə gərginliyin davam etdiyi bir dövrdə keçirilib.
Si Cinpin müstəqil Fələstin dövlətinin yaradılmasını dəstəklədi
Fələstin məsələsi Yaxın Şərq probleminin əsasında dayanır. Bu bəyanatla Çin Xalq Respublikasının Sədri Si Cinpin Pekində İordaniya Kralı Abdulla ilə keçirdiyi görüşdə çıxış edib. Bundan əvvəl Çin Xarici İşlər Nazirliyinin mətbuat katibi Lin Ciyan bəyan etmişdi ki, Çin rəhbərliyi Vaşinqtonun İranı dəstəkləyən ölkələrə qarşı birtərəfli tədbirlərini qanunsuz hesab edir.
Si Cinpin Qırğızıstana səfər edəcək
Çin Xalq Respublikasının rəhbəri Si Cinpin Şanxay Əməkdaşlıq Təşkilatının (ŞƏT) zirvə toplantısında iştirak etmək məqsədilə 31 avqust – 1 sentyabr tarixlərində Qırğızıstana rəsmi səfər edəcək.
Tramp Çin və Rusiyanı İran müharibəsinə qarışmamağa çağırıb
Donald Tramp Çin və Rusiyanın İranla davam edən münaqişədə iştirak etmədiyini düşündüyünü bildirib. Onun sözlərinə görə, Si Cinpin və Vladimir Putin İrana silah verməyəcəklərini bəyan ediblər. Tramp xəbərdarlıq edib ki, bu ölkələrin münaqişəyə qoşulması onların maraqlarına uyğun olmaz. Məlumata görə, ABŞ kəşfiyyatı Rusiyanın İrana mümkün texnoloji dəstəyi ilə bağlı araşdırma aparır. Kreml isə bu iddiaları şərh etməyib. Tramp açıqlamalarını "Truth Social" platformasında yayımlayıb. Mövzu İran ətrafında davam edən regional gərginlik fonunda gündəmə gəlib.
Çinin keçmiş mətbuat rəhbəri barəsində korrupsiya araşdırması başlanıb
Çində mətbuata və yayım sahəsinə nəzarət etmiş keçmiş yüksək vəzifəli Tsay Fuçao barəsində araşdırma başlanıb. O, intizam qaydalarını və qanunları ciddi şəkildə pozmaqda şübhəli bilinir. Tsay Fuçao uzun illər Çində nəşriyyat, televiziya, radio, kino və internet məzmununa nəzarət edən dövlət qurumuna rəhbərlik edib. O, Kommunist Partiyasının siyasi xəttinə uyğun senzura siyasətinin həyata keçirilməsinə cavabdeh olub. Keçmiş məmur həmçinin dövlət televiziya və radio qurumlarına rəhbərlik edib. Tsay Fuçao 2018-ci ildə bütün rəsmi vəzifələrindən ayrılıb. Onun barəsində başlanan araşdırmanın təfərrüatları hələlik açıqlanmayıb. Araşdırma Çində uzun illərdir davam edən korrupsiyaya qarşı mübarizə çərçivəsində aparılır.
Tramp: Rusiya və Çin İran müharibəsində “neytral” mövqe tutdu
Donald Tramp Rusiya və Çinin İran müharibəsi zamanı “neytral” mövqe tutduğunu bildirib. O, Si Cinpin və Vladimir Putinə təşəkkür edib. Tramp Çinin böhranın həllinə müəyyən dəstək verdiyini qeyd edib. ABŞ Prezidenti bu mövqenin gərginliyi azaltdığını vurğulayıb. Eyni zamanda Hörmüz boğazı ilə bağlı beynəlxalq hərbi təşəbbüslərə münasibət bildirib. Tramp ABŞ-ın belə yardımlara ehtiyac duymadığını deyib. O, bəzi ölkələrin yalnız sonradan prosesə qoşulmaq istədiyini bildirib. Mövzu Yaxın Şərqdə diplomatik gərginlik fonunda gündəmdə qalır.
