BAKI,VOA,Yusif Şərifzadə
ABŞ Prezidenti Donald Tramp Rusiya və Çinin İranla bağlı müharibə dövründə tutduğu mövqeyə münasibət bildirib.
VOA xəbər verir ki, Tramp Çin Prezidenti Si Cinpin və Rusiya Prezidenti Vladimir Putinə “neytral” qaldıqları üçün təşəkkür edib.
O qeyd edib ki, bu mövqe vəziyyətin daha da gərginləşməsinin qarşısını alıb.
Trampın sözlərinə görə, Çin böhranın həlli istiqamətində də müəyyən səylər göstərib.
ABŞ Prezidenti Pekini bu prosesdə “çox müsbət rol oynayan tərəf” kimi qiymətləndirib.
Eyni zamanda Tramp Hörmüz boğazının yenidən açılması ilə bağlı beynəlxalq təşəbbüslərə də münasibət bildirib.
O qeyd edib ki, ABŞ bu məsələdə digər ölkələrin hərbi iştirakına ehtiyac duymur.
Trampın sözlərinə görə, bir sıra ölkələr sonradan prosesə qoşulmaq istəsələr də, bu, müharibə zamanı mümkün olmayıb.
