Suriyada keçmiş zabit öldürüldü
Suriyanın Tartus vilayətinin Səfitə şəhərində keçmiş rejim zabitinin saxlanılması məqsədilə keçirilən əməliyyat silahlı toqquşma ilə nəticələnib. Daxili Təhlükəsizlik Komandanlığının məlumatına görə, keçmiş zabit Firas Əbdülkərim Həmmud əməliyyat zamanı öldürülüb. Təhlükəsizlik qüvvələri bildiriblər ki, Həmmud daha əvvəl saxlanılmağa cəhd edilərkən atəş açıb. Son əməliyyat zamanı da təhlükəsizlik əməkdaşlarına atəş açması nəticəsində qarşıdurma baş verib.
Əsəd rejiminin daha iki yüksək rütbəli zabiti saxlanıldı
Suriyanın Latakiya vilayətində keçirilən təhlükəsizlik əməliyyatı zamanı devrilmiş Bəşşar Əsəd rejiminin iki yüksək rütbəli zabiti — general-mayor Heysəm Bərakat və general-mayor Mərvan Bərakat saxlanılıb. Suriya Daxili Təhlükəsizlik Komandanlığının məlumatına görə, əməliyyat Qərdəha şəhərində həyata keçirilib. Saxlanılan şəxslərin terror və digər təhlükəsizliklə bağlı işlərdə iştirakı araşdırılır.
ABŞ və Suriya... Daimi tərəfdaşlıq, yoxsa keçici münasibət?
2024-cü ilin sonunda Suriyada Əsəd rejiminin süqutundan sonra Dəməşq və Vaşinqton arasında baş verənlər sadəcə münasibətlərin yaxşılaşması deyil, onilliklər boyu davam edən modeldən tamamilə fərqli yeni bir mərhələyə kəskin keçid idi. Bu yeni mərhələ artıq nəzarət və sanksiyalar deyil, yeni təşəbbüslər və koordinasiya üzərində qurulub. Lakin bu keçid sürətli olsa da, sabit deyil və tərəflərdən daha geniş olan mürəkkəb faktorların təsiri altında davamlı sınaqdan keçir.
Suriya Əsəd rejiminin süqutundan bir il sonra: ölkə qarşısında yeni mərhələ açılır
Bir il əvvəl Bəşşar Əsəd rejiminin devrilməsi Suriyada yeni siyasi səhifənin başlanğıcı oldu. Lakin beynəlxalq və regional müzakirələr hələ də təhlükəsizlik məsələləri və sanksiyaların yumşaldılması üzərində cəmlənir. Elə bil Suriyanın gələcəyi yalnız hərbi balans və iqtisadi təzyiq mexanizmləri ilə müəyyənləşir.Halbuki belə yanaşma ölkədə gedən dərin və sistemli dönüşümlərin miqyasını izah etmir və əsas sualı açıq qoyur: illərlə dağılmış idarəetmə strukturlarını və parçalanmış cəmiyyəti necə yenidən dövlət halına gətirmək olar?
