Müharibə İran iqtisadiyyatını iflic edib – 2 milyon insan işsiz qalıb
"Wall Street Journal" qəzetinin İranın Əmək və Sosial Rifah Nazirliyinin yüksək rütbəli rəsmisinə istinadən yaydığı məlumata görə, davam edən hərbi əməliyyatlar ölkənin əmək bazarında fəlakətli vəziyyət yaradıb. İlkin rəsmi qiymətləndirmələrə görə, müharibənin başlanmasından bəri 2 milyona yaxın iranlı gəlir mənbəyini itirib.
Bağdad dollar qıtlığı təhlükəsi ilə üz-üzə: ABŞ neft gəlirlərini dondurur?
Çərşənbə günü yayılan Amerika hesabatlarına görə, İraq hökumətinin İrana sadiq silahlı qruplaşmaları tərksilah etmək səylərinin ləngiməsi fonunda Vaşinqton İraqın neft gəlirlərindən ibarət təxminən 500 milyon dollarlıq naqd pulun Bağdada köçürülməsini dayandırmış ola bilər. İraqın neft gəlirləri və pulları İraq banklarına daxil olmazdan əvvəl ABŞ-ın Federal Ehtiyat Bankına (FED) köçürülür. 2003-cü ildən bəri bir-birini əvəz edən ABŞ prezidentləri İraqın Federal Bankdakı vəsaitlərini və aktivlərini məhkəmə təqiblərindən və ya üzərinə həbs qoyulmasından qorumaq məqsədilə icraedici sərəncamlar imzalayırlar.
Hizbullaha maksimum zərər vurmaq əsas strateji hədəfimizdir - İsrail komandanlığı
ABŞ-ın nüfuzlu "The Wall Street Journal" (WSJ) qəzeti İsrailin yüksək rütbəli hərbi rəhbərliyinə istinadən xəbər verir ki, Təl-Əviv Livan cəbhəsində hərbi əməliyyatların intensivliyini artırmaq niyyətindədir. VOA xəbər verir ki, İsrail generallarının sözlərinə görə, ordunun qarşısında duran başlıca vəzifə "Hizbullah" qruplaşmasına bərpası mümkün olmayan zərbələr endirməkdir.
“WhatsApp-da əsgər axtarışı”: İsrail komandanlığı qeyri-adi addımlar atır
Məlumata görə, əsgərlər iki ilə yaxın davam edən döyüşlərdən sonra tükənib və “HƏMASı gerilla müharibəsi üslubu ilə məhv etmək mümkün deyil”. Ordunun bəzi komandirləri isə qeyri-adi üsullara əl ataraq, hətta universitet tələbələrinin WhatsApp qruplarında döyüşçü, xüsusən də snayper və sanitar axtardıqlarını elan ediblər.
