İsrail məhkəməsi Qəzzalə həkimin azadlığa buraxılmasını rədd edib
İsrail Ali Məhkəməsi Qəzza həkimi Hussam Abu Safiyanın azadlığa buraxılmasını rədd edib. O, ittiham irəli sürülmədən saxlanılır. Qərar məxfi materiallara əsaslanıb. Müdafiə tərəfi sübutların təqdim olunmadığını bildirir. Həkim ağır şəraitdə təcrid olunduğu qeyd edilir. Hüquq müdafiə təşkilatları qərarı sərt tənqid edib. Abu Safiya xəstəxana direktoru kimi Qəzzada xidmət edib.
Tanınmış şəxslər Böyük Britaniyada Fələstin tərəfdarı fəallara qarşı ədalətsiz cəzalara xəbərdarlıq edir
Böyük Britaniyada tanınmış şəxslər Fələstin tərəfdarı fəallara qarşı ədalətsiz cəzaların tətbiq olunması ilə bağlı xəbərdarlıq ediblər. Açıq məktubda vurğulanır ki, “Filton 25” fəallarının terror bağlantısı əsasında həbs edilməsi ciddi ədalət pozuntusu olar. Fəallar avqust 2024-də Bristoldakı zavodda ziyan vurduqdan sonra uzun həbs riski ilə üzləşirlər, lakin onlara terror ittihamı irəli sürülməyib.
İsrail donanması Qəzza sahilində doqquz balıqçını həbs edib
İsrail donanması Qəzza sahilində fəaliyyət göstərən doqquz fələstinli balıqçını həbs edib. Onların naməlum bir yerə aparıldığı bildirilir. Həbs əməliyyatı Qəzza zolağında davam edən pozuntuların tərkib hissəsidir və atəş açma, avadanlıqların müsadirəsi kimi tədbirləri əhatə edir. Qəzza uzun illərdir İsrailin blokadası altında qalır və 2023-cü ilin oktyabrından sonra tətbiq edilən məhdudiyyətlər daha da sərtləşdirilib.
Diqqət!...Səudiyyə bu şəxsləri deportasiya edəcək
Səudiyyə Ərəbistanının Daxili İşlər Nazirliyi ölkədə viza müddətini qanunsuz olaraq ötürən əcnəbilərin 50 000 Səudiyyə riyalına (təxminən 13 300 dollar) qədər pul cəzası, altı aya qədər həbs və ölkədən deportasiya olunma təhlükəsi ilə üzləşəcəyini vurğulayıb.
Səudiyyə Ərəbistanı bir həftə ərzində 10 mindən çox insanı deportasiya edib
Səudiyyə Ərəbistanı rəsmiləri ötən bir həftə ərzində yaşayış, iş və sərhəd təhlükəsizliyi qaydalarını pozan 14 855 qanunsuz sakini ölkədən deportasiya ediblər. Bu tədbirlər Krallığın bütün bölgələrində qanunsuz miqrasiya ilə mübarizə məqsədilə həyata keçirilən təhlükəsizlik kampaniyalarının tərkib hissəsidir.
Britaniyada İsrail prezidentinin həbsi üçün məhkəməyə müraciət edilib
Böyük Britaniyada Fələstin tərəfdarı qruplardan olan “Əl-Əqsa Dostları” İsrail prezidenti İsxaq Hersoq barəsində həbs qərarı çıxarılması üçün məhkəməyə müraciət edib. Bu barədə təşkilatın sədri İsmayıl Patel açıqlama verib. O, Hersoqun Qəzzadakı mülki şəxslərə qarşı həyata keçirilən hücumları təşviq etməkdə ittiham olunduğunu və bu səbəbdən cinayət işi prosesi başladıldığını bildirib. Patel qeyd edib ki, Baş prokurorluğa Hersoq haqqında həbs qərarı çıxarılması üçün müraciət edilib. Onun sözlərinə görə, müraciət və ittihamlar Hersoqun 2023-cü ilin 12 və 15 oktyabr tarixlərində verdiyi iki açıqlamaya əsaslanır. Qəzzadakı mülki şəxslərə və obyektlərə qarşı edilən hücumlarla bağlı olan bu açıqlamaların bəzi hissələri İsrailin hərbi rəsmiləri tərəfindən dəfələrlə təkrar olunub.
Antalya Təhlükəsizlik İdarəsinin rəisi həbs edildi
Türkiyədə vəzifəsindən uzaqlaşdırılan Antalya Təhlükəsizlik İdarəsinin rəisi İlker Arslan həbs olunub.İstintaq çərçivəsində saxlanılan Arslan məhkəməyə çıxarılıb və məhkəmənin qərarı ilə həbsxanaya göndərilib.
Türkiyədə Antalya Təhlükəsizlik İdarəsinin rəisi saxlanılıb
Antalya Polis İdarəsinin rəisi İlker Arslan rüşvət işi ilə bağlı şəhər hakimiyyətinin qərarı əsasında saxlanılıb. Arslan özü polisə təslim olub. Onun yerinə isə idarə rəisinin müavini Murat Baz təyin edilib. İlker Arslanın adı bu ilin iyul ayında həbs edilən Antalya Böyükşəhər Bələdiyyəsinin sədri Muhittin Böcekə qarşı açılmış rüşvət işi üzrə istintaq materiallarında hallanıb. Bəzi iş adamlarının ifadələrinə görə, o, bələdiyyənin keçirdiyi tenderlərdə korrupsiya sxemlərində iştirak edib. Antalya Baş Prokurorluğu Arslanın “rüşvətdə vasitəçilik, ağırlaşdırılmış dələduzluq və qanunsuz əmlak əldəetmə” maddələri ilə saxlanılması barədə order verib.
Türkiyədə bələdiyyə başçısı barəsində həbs qərarı verilib
Türkiyədə vəzifəsindən uzaqlaşdırılan Beykoz Bələdiyyə Başçısı Alaattin Köseler barəsində yenidən həbs qərarı verilib. Məhkəmə prokurorluğun onun azadlığa buraxılması ilə bağlı qərara etirazını qəbul edib. Prokurorluq Köselerlə yanaşı Veli Gümüş, Serdar Karahan, Havva Dindar və Uğur İnci barədə də azadlığa buraxılma qərarına etiraz edərək onların həbsini tələb edib. Köselerin də aralarında olduğu, 13-ü həbsdə olmaqla ümumilikdə 26 nəfər barəsində “tenderə müdaxilə” və “cinayət məqsədilə təşkilat qurmaq, üzvlük və yardım göstərmək” ittihamları üzrə aparılan istintaqda, Köseler üçün 17 il 6 aydan 67 il 3 aya qədər həbs cəzası istənilib. Digər 25 təqsirləndirilən şəxs üçün də müxtəlif ittihamlarla fərqli müddətlərdə həbs cəzaları tələb olunub.
Leman jurnalı ilə bağlı 6 şübhəli barəsində yeni ittiham aktı hazırlanıb
Məhəmməd peyğəmbər və Musa peyğəmbərin karikaturasının Leman jurnalında dərc olunmasına dair aparılan istintaq çərçivəsində jurnalı idarə edənlərin də daxil olduğu 6 şübhəli barəsində ittiham aktı hazırlanıb. İstanbul Baş Prokurorluğu tərəfindən iyunun 26-da Leman jurnalında dərc olunmuş karikatura ilə bağlı başlanmış istintaq başa çatıb. Hazırlanan ittiham aktında məsul redaktorlar Zafer Aknar və Aslan Özdemir, müəssisə müdiri Ali Yavuz, qrafik dizayner Cebrail Okçu, həmçinin barəsində axtarış qərarı çıxarılan baş redaktor Mehmet Tuncay Akgün mətbuat və yayım yolu ilə xalqı kin və düşmənçiliyə açıq şəkildə təhrik etməkdə ittiham olunurlar. Prokurorluq onların hər biri üçün 1 il 6 aydan 4 il 6 aya qədər həbs cəzası tələb edib.
Fransa məhkəməsi Bəşşar Əsədin həbsinə order verib
Paris Cinayət Məhkəməsinin İnsanlığa Qarşı Cinayətlər üzrə Bölməsi Suriyanın Hums vilayətində 2012-ci ildə baş verən hücumla bağlı qərar qəbul edib. Məhkəmə devrilmiş BƏƏS rejiminin lideri Bəşşar Əsədin də aralarında olduğu yeddi keçmiş yüksək vəzifəli şəxs barəsində həbs qərarı çıxarıb. Bildirilib ki, adıçəkilən şəxslər fransalı və xarici jurnalistlər Remi Oşlik, Edit Buvye, Meri Kolvin, Pol Konroy və tərcüməçi Vail əl-Omarın əleyhinə müharibə və insanlığa qarşı cinayətlərdə ittiham olunurlar.
