Bu gün Çin Almaniyaya müharibə elan etdi
Çin 1917-ci il avqustun 14-də Birinci Dünya müharibəsində neytrallıq siyasətindən imtina edərək Almaniyaya müharibə elan edib.
Çin rəsmisi Van Huning Tibetdə sabitlik və etnik birliyi gücləndirməyə çağırıb
Çin rəsmisi Van Huning Tibetə səfəri zamanı sabitliyin və etnik birliyin qorunmasının vacibliyini vurğulayıb. O, yeni etnik birlik qanununun icrasına və Tibet buddizminin dövlət siyasəti ilə uyğunlaşdırılmasına çağırış edib. Səfər Lhasa və Nqari bölgələrini əhatə edib. Yeni qanun ABŞ və Avropa İttifaqı tərəfindən tənqid olunub. Tənqidçilər sənədin insan hüquqlarına təsir göstərə biləcəyini bildirirlər. Həmin həftə Nyu-Yorkda bir tibetlinin özünü yandırması da beynəlxalq diqqət çəkən hadisələrdən biri olub. Tibet məsələsi Çinlə Qərb arasında fikir ayrılıqlarının əsas mövzularından biri olaraq qalır.
Prezident İlham Əliyev Çin Dövlət Şurasının Baş nazirinin müavinini qəbul edib
Azərbaycan Respublikasının Prezidenti İlham Əliyev mayın 18-də Çin Xalq Respublikası Dövlət Şurasının Baş nazirinin müavini Can Quoçini qəbul edib. Baş nazirinin müavini ilk növbədə, Çin Xalq Respublikasının Sədri Si Cinpinin salamlarını Azərbaycan Prezidentinə çatdırdı. O qeyd etdi ki, Si Cinpin Prezident İlham Əliyevi Çinin dostu kimi dəyərləndirir.
Çində keçmiş müdafiə nazirlərinə edam hökmü verildi - Edam necə tətbiq olunacaq?
Çində iki keçmiş müdafiə naziri korrupsiya ittihamları ilə ölüm cəzasına məhkum edilib. Rəsmi məlumatlara görə, hökm iki illik icra təxirəsalınması ilə çıxarılıb. Çinin dövlət xəbər agentliyi “Sinxua”nın yaydığı məlumata əsasən, keçmiş müdafiə nazirləri Vey Fenqxe və Li Şanqfu korrupsiya və rüşvət işlərində təqsirli biliniblər.
