Bədr ər-Rəzizə Səudiyyə Ərəbistanı Futbol Federasiyasında yeni prezidenti seçildi
Səudiyyə Ərəbistanı Futbol Federasiyasının Baş Assambleyası bazar günü keçirilən növbədənkənar iclasında Bədr ər-Rəzizəni 2026–2030-cu illəri əhatə edən 6-cı dövr üçün İdarə Heyətinin sədri vəzifəsinə yekdilliklə (təzkiyə yolu ilə) seçib. O, bu postda Yasir əl-Mişalı əvəzləyib. Seçki Komissiyasının sədri Əhməd əl-Quneyan seçki prosedurlarının tamamlanmasından sonra ər-Rəzizənin siyahısının təsdiqləndiyini və yeni İdarə Heyətinin 4 illik səlahiyyət müddətinə başladığını elan edib.
Məhəmməd bin Salman FİFA prezidentini qəbul etdi
Səudiyyə Ərəbistanının vəliəhd şahzadəsi, baş nazir Məhəmməd bin Salman Əl-Səud Riyadda, “Əl-Yemame” sarayında Beynəlxalq Futbol Federasiyaları Assosiasiyasının (FİFA) prezidenti Canni İnfantinonu qəbul edib. Görüş zamanı Səudiyyə Ərəbistanı ilə FİFA arasında idman sahəsində əməkdaşlıq istiqamətləri, qarşıdakı layihələr və futbolun inkişafına dair yeni imkanlar müzakirə olunub. Tərəflər qlobal səviyyədə idman təşəbbüslərinin genişləndirilməsi və Səudiyyə Ərəbistanının bu prosesdə rolunun gücləndirilməsi barədə fikir mübadiləsi aparıblar.
