İraq silahlı qrupların tərksilahı üçün danışıqlara başlayır
İraq ABŞ-ın rəhbərlik etdiyi beynəlxalq koalisiya qüvvələrinin sentyabrın 30-da ölkədən çıxmasına hazırlıq məqsədilə yeni təhlükəsizlik tədbirləri müəyyənləşdirib.
Kərbəlaya xüsusi diqqət yetirilməyə vacibdi-Nizar Amidi
İraq Prezidenti Nizar Əmidi hökumətin müqəddəs Kərbəla vilayətinə xüsusi diqqət yetirməyə davam edəcəyini bildirib.
İraqda beş mindən çox İŞİD üzvünə hökm oxunacaq
İraqda Suriyanın şimal-şərqindən gətirilmiş 5 704 İŞİD şübhəlisi ilə bağlı ilkin istintaq başa çatıb. Şübhəlilər 67 müxtəlif ölkənin vətəndaşlarıdır. Onların 3 497 nəfəri Suriya, 474 nəfəri isə İraq vətəndaşıdır. Araşdırılan şəxslər arasında İŞİD-in yüksək vəzifəli rəhbərlərinin və müxtəlif bölmələrinin nümayəndələrinin olduğu bildirilir. Altı şəxsin yezidi qadınlara qarşı törədilmiş ağır cinayətlərlə əlaqəsinin müəyyənləşdirildiyi açıqlanıb. Yetərli sübut olmayan bəzi şəxslər azad edilib və ya öz ölkələrinə təhvil verilib. Daha 457 Suriya vətəndaşının Suriyaya qaytarılması istiqamətində iş aparılır. Qalan işlərin mərhələli və fərdi qaydada İraq məhkəmələrinə göndərilməsi nəzərdə tutulur.
Yəmən İŞİD terror təşkilatının rəsmi sözçüsünün məhv edildiyini açıqlayıb
Yəməndə Səudiyyə Ərəbistanının rəhbərlik etdiyi Qanuniliyi Dəstəkləyən Koalisiya qüvvələri və Yəmənin "Qüvvə 22" terrorla mübarizə bölməsinin birgə keçirdiyi xüsusi əməliyyat nəticəsində İŞİD terror təşkilatının rəsmi sözçüsü "Əbu Hüzeyfə əl-Ənsari" ləqəbli terrorçu zərərsizləşdirilib. Həzrəmovt vilayətinin Seyun şəhərində həyata keçirilən kəşfiyyat yönümlü əməliyyat təşkilatın əsas simalarından birinə vurulmuş ağır zərbə kimi qiymətləndirilir.
Əhməd Əş-Şəraa Məzlum Abdini prezidentin müşaviri təyin edib
Prezident Əhməd əş-Şəraa vaxtilə kürdlərin rəhbərlik etdiyi, artıq ləğv olunmuş Suriya Demokratik Qüvvələrinin sabiq komandanı Məzlum Abdinin prezidentin müşaviri təyin edilməsi barədə fərman imzalayıb.
Ərəb coğrafiyasında tarixin izləri - 25 avqustun 20 mühüm hadisəsi
Ərəb dünyası əsrlər boyu qlobal geosiyasətin, mədəniyyətin və böyük tarixi dönüşlərin mərkəzi nöqtələrindən biri olmuşdur. 25 avqust tarixi də Yaxın Şərq və Şimali Afrika regionunda bir sıra taleyüklü hadisələrlə yadda qalmışdır. Bu təqvim günündə müstəmləkəçiliklə mübarizədən tutmuş regional ittifaqların formalaşmasına qədər mühüm addımlar atılmışdır. Həmçinin hərbi münaqişələr, diplomatik böhranlar və hakimiyyət dəyişiklikləri məhz bu tarixdə cərəyan edərək bölgənin gələcək simasını müəyyənləşdirmişdir. Tarixin fərqli dövrlərində baş verən hadisələr ərəb xalqlarının ictimai-siyasi yaddaşında dərin izlər buraxmışdır. Təqdim olunan xronologiya 25 avqustda ərəb coğrafiyasında qeydə alınmış ən əhəmiyyətli məqamları əks etdirir.
İraqın baş naziri Qalibafla görüşdə İranın dəstəyini yüksək qiymətləndirib
İraqın Baş naziri Əli əz-Zeydi İran parlamentinin sədri Məhəmməd Baqir Qalibafla görüşüb. İraqın baş naziri İranın ölkəsinə göstərdiyi dəstəyi yüksək qiymətləndirib. O, xüsusilə təxminən 10 il əvvəl İŞİD-ə qarşı mübarizə zamanı Tehranın tutduğu mövqeyi qeyd edib. Görüşdə İran və İraq arasında əməkdaşlığın gələcək istiqamətləri müzakirə olunub. Tərəflər müxtəlif sahələrdə birgə fəaliyyətin genişləndirilməsi imkanlarını nəzərdən keçiriblər. İkitərəfli münasibətlərin daha da möhkəmləndirilməsinin vacibliyi vurğulanıb. Qalibaf İraq hökumətinin Tehranla əlaqələrin inkişaf etdirilməsi istiqamətindəki səylərini yüksək qiymətləndirib. İran parlamentinin sədri əməkdaşlığın iki xalqın ortaq maraqlarına xidmət etməli olduğunu bildirib.
Həftar İŞİD-ə qarşı əməliyyata kömək edib
Təqaüdçü general Xəlifə Hafterin Nigerin qərbində İŞİD-ə bağlı qrup tərəfindən girov saxlanılan amerikalı pilot Kevin Raydoutun azad edilməsinə kömək etdiyi bildirilir. “Reuters”in dörd mənbəyə istinadən yaydığı məlumata görə, Raydout ötən cümə axşamı gec saatlarda Liviyanın şərqindəki hakimiyyət orqanlarına təhvil verilib. Bununla belə, girovun azad edilməsi müqabilində nə verildiyi barədə rəsmi məlumat açıqlanmayıb. Mənbələrdən biri Liviyanın fidyə ödədiyini bildirib.
İŞİD-in Suriyadakı virtual dünyası və yeni terror strateqiyası
Suriyadakı “İŞİD” terror təşkilatı fəaliyyət strategiyasını köklü şəkildə dəyişərək “elitar qüvvələr” modelindən “klaster tipli gizli hüceyrələr” sisteminə keçib. Təşkilat ənənəvi “əraziyə nəzarət” taktikasını “rəqibləri daxildən yaralamaq və nüfuz etmək” üsulu ilə əvəzləyib. Silahlı qruplaşmaları hədəf almaqdan mülki əhalini vurmağa yönələn “İŞİD”, “Ənsar əs-Sünnə səriyyələri” kimi özünə bağlı olan, lakin bir-biri ilə birbaşa əlaqəsi bulunmayan şəbəkələrdən istifadə edir. İyerarxik strukturdan adaptasiya oluna bilən torvari formasiyaya və yıpratma müharibəsi aparan qruplara transformasiya olunan təşkilat bu yolla daxili parçalanma, hərbi çevriliş yaratmaq və ya mövcud gərginliklərdən yararlanaraq yenidən səhnəyə qayıtmaq məqsədi güdür.
Suriyada ümidsizlik “İŞİD”-in yeganə ümididir
Deyr əz-Zor, Rakka və Həsəkəni əhatə edən Suriya Əl-Cəzirə bölgəsi 2026-cı ildə təşkilatın imkanlarının sınaqdan keçirildiyi əsas meydan hesab olunur. Yanvarın sonunda ABŞ qüvvələrinin yenidən mövqe dəyişməsindən və tamamilə geri çəkilməsindən, ondan əvvəl isə “SDQ” qüvvələrinin digər ərazilərə çəkilməsindən sonra Dəməşqin Fəratın şərqinə nəzarəti ələ alması təşkilatın öz xeyrinə istifadə etməyə çalışdığı yeni təhlükəsizlik reallığı yaradıb.
Hizbullah İsrail-Türkiyə əlaqələrindəki gərginlikdən necə faydalanır?
Hələ bir qədər əvvəl “Hizbullah”ın son iki ildə regionda baş verən dəyişikliklərin ən böyük uduzan tərəfi olduğu hesab edilirdi.
Türkiyə təhlükəsizlik qüvvələri İŞİD şəbəkəsinə zərbə endirib
Türkiyədə İŞİD terror təşkilatına qarşı genişmiqyaslı əməliyyat keçirilib. Ölkənin 30 vilayətində aparılan əməliyyat zamanı 119 nəfər saxlanılıb. Şübhəlilər terror təşkilatına üzvlük, təbliğat və maliyyələşdirmə fəaliyyətində iştirak etməkdə ittiham olunurlar. Əməliyyat zamanı çoxsaylı sənəd və rəqəmsal material ələ keçirilib. İyunun sonunda Ankarada İŞİD-lə əlaqədə şübhəli bilinən bir nəfər silahlı qarşıdurmada zərərsizləşdirilmişdi. Daha sonra terror təşkilatları ilə əlaqədə şübhəli bilinən 209 nəfər də saxlanılmışdı. Türkiyə terrorizmlə mübarizə əməliyyatlarını davam etdirəcəyini bəyan edib.
