Prezident Əhməd əş-Şəraa vaxtilə kürdlərin rəhbərlik etdiyi, artıq ləğv olunmuş Suriya Demokratik Qüvvələrinin sabiq komandanı Məzlum Abdinin prezidentin müşaviri təyin edilməsi barədə fərman imzalayıb.
Məzlum Abdi çərşənbə axşamı Dəməşqdəki Prezident Sarayından rəhbərlik etdiyi Suriya Demokratik Qüvvələrinin "missiyasının başa çatması" səbəbindən ləğv olunduğunu elan etmişdi. Bu addım müharibə illərində ABŞ-nin dəstəyi ilə İŞİD terror təşkilatına qarşı mübarizə aparmış kürdlərin tarixində mühüm bir səhifəni bağlayır.
O, rəsmi televiziyanın yayımladığı çıxışında "Bu gün Suriya Demokratik Qüvvələrinin missiyasının başa çatdığını və müstəqil hərbi qüvvə kimi ləğv edildiyini tam məsuliyyətlə bəyan edirik", - deyə bildirmişdi.
Qeyd edək ki, Suriya hökuməti ABŞ-nin himayəsi ilə cari il yanvarın 29-da SDQ-nin Suriya ordusuna inteqrasiyası barədə razılığa gəlmişdi.
