FIFA yeni bilet sistemi ilə bağlı qərar qəbul etdi
FIFA azarkeşlərdən daxil olan rəyləri nəzərə alaraq yeni bilet sistemi ilə bağlı qərar qəbul edib. Qurumdan bildirilib ki, qərar yekdilliklə təsdiqlənib. Yeni qərarı Böyük Britaniyanın Baş naziri Kir Starmer də müsbət qarşılayıb. O, həqiqi azarkeşlərin futboldan uzaqlaşmaması üçün biletlərin daha əlçatan olmasının vacibliyini vurğulayıb. Yeni tənzimləməyə əsasən, 60 ABŞ dolları dəyərində olan ən ucuz bilet kateqoriyası 2026-cı il dünya çempionatına ev sahibliyi edəcək Kanada, Meksika və ABŞ-da keçiriləcək oyunlar üzrə hər futbol federasiyasına ayrılan biletlərin 10 faizini təşkil edəcək.
FIFA Trampa Sülh Mükafatı verib
FIFA 2026-cı il Dünya Çempionatının püşkatması zamanı gözlənilməz qərarla ABŞ Prezidenti Donald Trampa yeni “FIFA Sülh Mükafatı”nı təqdim edib. Bu, qurumun idmandan kənar sahəyə yönələn ilk belə addımı kimi qiymətləndirilir.
