ABŞ pilotlarından KAAN-a yüksək qiymət: “Möhtəşəm texnologiyadır”
ABŞ Hərbi Hava Qüvvələrinin və Hərbi Dəniz Qüvvələrinin keçmiş döyüş pilotları Türkiyənin beşinci nəsil KAAN qırıcı təyyarəsinin P1 prototipinin yer sınaqlarını qiymətləndirib. Keçmiş pilotların diqqət yetirdiyi əsas məsələlərdən biri təyyarənin xarici görünüşü və aerodinamik quruluşu olub. Trevor Hartsock KAAN-ın dizaynının ABŞ Hərbi Hava Qüvvələrinin F-22 “Raptor” qırıcısını xatırlatdığını bildirib.
KAAN layihəsində növbəti uğur əldə olunub
Türkiyənin milli döyüş təyyarəsi KAAN-ın yeni prototipi ilk taksi (yerüstü hərəkət) sınağını uğurla başa vurub. Ölkənin müdafiə sənayesinin ən mühüm layihələrindən biri hesab edilən KAAN proqramı çərçivəsində hazırlanmış iki yeni prototip ilk dəfə ictimaiyyətə təqdim olunub. Bu platformalar ötən il ilk uçuşunu həyata keçirən ilkin prototiplə müqayisədə bir sıra texniki yeniliklər və konstruktiv dəyişikliklərlə fərqlənir.
TUSAŞ HÜRKUŞ, HÜRJET və KAAN layihələri ilə bağlı yeni məlumatları açıqlayıb
Türkiyə Aerokosmik Sənayesi (TUSAŞ) şirkətinin baş direktoru Mehmet Demiroğlu şirkətin davam edən və gələcək aviasiya layihələri ilə bağlı yeni açıqlamalar verib. Demiroğlu Böyük Britaniyada keçirilən Farnborough Beynəlxalq Aviasiya Sərgisi çərçivəsində təşkil olunan mətbuat konfransında HÜRKUŞ təlim təyyarəsi, HÜRJET döyüş təlim platforması, KAAN milli qırıcı təyyarəsi və T70 helikopter proqramının son vəziyyəti barədə məlumat verib.
Ərdoğan xilafətin süqutundan sonra Türkiyənin gücünü necə bərpa etdi?
1924-cü il martın 3-də Ankaradakı Türkiyə Böyük Millət Məclisi Osmanlı xilafətinin ləğv edilməsi və sonuncu xəlifə II Əbdülməcidin ölkədən çıxarılması qərarı ilə İslam dünyasını şoka saldı. Bu qərar sadəcə bir idarəetmə sisteminin dəyişməsi deyil, altı əsrdən çox davam edən bir irslə məcburi qopuş idi. Bir çoxları bu gün bu reallığı qəbul etməsə də, Osmanlı xilafəti İslam birliyinin rəmzi, bütün ümmətin siyasi və hərbi gücü idi.
Avropa Türkiyənin müdafiə sistemlərinə yönəlir - Alman mətbuatı
Almaniyanın WELT qəzeti Türkiyənin müdafiə sənayesində əldə etdiyi uğurları gündəmə gətirərək, Almaniya hökumətinin Türk istehsalı uzun mənzilli raket sistemlərinə marağını qeyd edib. ABŞ-ın Tomahawk raket planını dayandırmasından sonra Berlinin alternativ axtarışına yönəldiyini və Türkiyənin “Yıldırımhan” qitələrarası ballistik raket sistemi ilə “Tayfun Blok-4” hipersonik raketini qiymətləndirməyə başladığını yazıb.
Türk Milli Döyüş Təyyarəsi KAAN-ın tam ölçülü statik sınaq nümunəsi hanqardan çıxdı
Türk Aviasiya və Kosmos Sənayesi (TUSAŞ), "GÖKVATAN" jurnalının 144-cü sayında Milli Döyüş Təyyarəsi KAAN layihəsinə dair mühüm texniki detalları paylaşıb. “İlk uçuşun yerdəki məşqi: Tam ölçülü statik sınaq” başlığı ilə təqdim olunan məqalədə KAAN-ın uçuşdan əvvəlki ən kritik mərhələlərindən biri olan statik sınaq prosesi hərtərəfli şəkildə ələ alınıb.
HAVELSAN İspaniyaya HÜRJET simulyatoru ixrac etməyə hazırlaşır
Türkiyənin yeni nəsil reaktiv təlim təyyarəsi HÜRJET-in İspaniyaya ixracı ilə qazanılan uğur zəncirinə yeni bir halqa əlavə olunur. Türk Aviasiya və Kosmos Sənayesi (TUSAŞ) tərəfindən hazırlanan HÜRJET təyyarələri ilə yanaşı, onun HAVELSAN tərəfindən hazırlanan "Tam Tapşırıq və Uçuş Təlim Simulyatoru" da beynəlxalq bazara çıxır.
Ərdoğan HAVELSAN-da SANCAR Silahlı Pilotsuz Dəniz Aparatının istifadəyə verilməsi mərasimində iştirak edib
Türkiyə Prezidenti Rəcəb Tayyib Ərdoğanın 22 il fasilə ilə gerçəkləşdirdiyi HAVELSAN ziyarətləri ölkənin müdafiə sənayesindəki milli dönüşümün ən bariz göstəricisinə çevrilib. Bu müddət ərzində Türkiyə müdafiə sənayesi sadəcə "montajçı" və "lisenziyalı istehsalçı" statusundan çıxaraq, öz layihələrini dizayn edən və dünyaya texnologiya ixrac edən bir güc mərkəzinə çevrilib. Bu transformasiyanın əsası 2004-cü ildə qəbul edilən və "hazır alış" əvəzinə "yerli istehsal" modelini ön plana çıxaran tarixi qərarlarla qoyulub.
İspaniya üçün yeni seçim KAAN ola bilər
İspaniyanın F-35 proqramı ilə bağlı qərar prosesində yaranan siyasi qeyri-müəyyənlik və Fransa-Almaniya ortaq layihəsi olan Gələcəyin Hava Döyüş Sistemi proqramında müşahidə olunan fikir ayrılıqları Madrid rəhbərliyini alternativ variantları dəyərləndirməyə vadar edib. Avropa layihəsindəki ləngimə və strateji qeyri-müəyyənlik fonunda Türkiyə ilə müdafiə sənayesi sahəsində son illərdə sürətlənən əməkdaşlıq yeni ehtimalları gündəmə gətirib. Xüsusilə Türkiyənin beşinci nəsil döyüş təyyarəsi KAAN layihəsi mümkün seçimlər sırasında göstərilir.
Türkiyə və Səudiyyə Ərəbistanından nəhəng müdafiə həmləsi: KAAN və GÖKBEY üçün birgə istehsal planı
Türk müdafiə sənayesinin ən mühüm layihələrindən sayılan KAAN qırıcı təyyarəsi və GÖKBEY helikopteri Səudiyyə Ərəbistanının diqqət mərkəzindədir. Masadakı ən maraqlı variantlardan biri hər iki platformanın Səudiyyə Ərəbistanında istehsalı üçün orada xüsusi istehsal xəttinin qurulmasıdır. Türkiyə ilə Səudiyyə Ərəbistanı arasında son dövrlərdə sürətlənən hərbi əməkdaşlığın TUSAŞ-ın vasitəçiliyi ilə daha yüksək səviyyəyə qalxacağı gözlənilir.
KAAN layihəsində Səudiyyə Ərəbistanı ilə ortaq investisiya hər an reallaşa bilər - Ərdoğan
KAAN layihəsində Səudiyyə Ərəbistanı ilə ortaq investisiya hər an reallaşa bilər. Bu sözləri Rəcəb Tayyib Ərdoğan Səudiyyə Ərəbistanı və Misirə səfərlərindən qayıdarkən təyyarədə jurnalistlərin suallarını cavablandırarkən qeyd edib. Səudiyyə Ərəbistanı ilə müdafiə sənayesi sahəsində əlaqələrin müsbət trayektoriya ilə inkişaf etdiyini bildirən Ərdoğan, xüsusilə pilotsuz uçuş aparatları sahəsində artıq bir çox müqavilələrin imzalandığını xatırladıb. KAAN layihəsinin isə sadəcə bir təyyarə deyil, Türkiyənin mühəndislik qabiliyyətinin və müstəqil müdafiə iradəsinin rəmzi olduğunu vurğulayıb.
Türkiyə aviasiyasında 2026-cı ilin hədəfləri: Milli təyyarələr inventara daxil olur
Türk Hava Qüvvələri 1911-ci ildə qurulduğu gündən bəri təyyarə ehtiyacını əsasən xarici ölkələr hesabına qarşılasa da, 2026-cı il bu asılılığın bitdiyi və milli layihələrin inventara daxil olduğu tarixi bir dönəm olacaq. KAAN, KIZILELMA və ANKA-3 kimi nəhəng layihələr Türkiyənin hava gücünü həm kəmiyyət, həm də keyfiyyət baxımından yeni mərhələyə daşıyır.
