Bu gün Pan Am 103 saylı reys Şotlandiya üzərində partladıldı- hadisə necə baş verdi?

1988-ci il dekabrın 21-də Londondan Nyu-Yorka uçan Pan Am aviaşirkətinə məxsus 103 saylı reys Şotlandiyanın Lokerbi şəhəri üzərində havada partlayıb. Nəticədə təyyarədə olan 243 sərnişin və 16 ekipaj üzvü, eləcə də yerə düşən qalıqlar səbəbindən Lokerbinin 11 sakini həlak olub. Təyyarə 31 min fut hündürlükdə olarkən yük bölməsində gizlədilmiş, audio-kasset pleyerinin içində yerləşdirilən bomba işə düşüb.