Azərbaycan-Türkiyə strateji müttəfiqliyi yeni investisiya mərhələsinə yüksəlir - Səməd Bəşirli

Bakıda keçirilən II Azərbaycan–Türkiyə İnvestisiya Forumunda iqtisadiyyat nazirinin müavini Səməd Bəşirli çıxış edərək Azərbaycan–Türkiyə münasibətlərinin strateji müttəfiqlik səviyyəsində inkişaf etdiyini bildirib. Onun sözlərinə görə, Azərbaycan və Türkiyə xalqlarını ortaq tarix, mədəniyyət və dərin qardaşlıq bağları birləşdirir. Dövlət başçılarının siyasi iradəsi və birgə səyləri nəticəsində ikitərəfli əlaqələr bütün istiqamətlər üzrə möhkəmlənib və bu proses ölkələrin iqtisadiyyatlarına mühüm töhfə verir.