ABŞ Kubada hərbi əməliyyat ehtimalını nəzərdən keçirir
Ağ Ev mövcud hökuməti devirmək üçün Kubada hərbi əməliyyat keçirmək imkanını nəzərdən keçirir, lakin hələlik diplomatik vasitələrə üstünlük verir.
Kuba lideri Kanel ABŞ ordusunun hücumunun mümkün olduğunu bildirib
Kuba Prezidenti Miqel Dias Kanel ABŞ-ın Kubaya qarşı hərbi hücum ehtimalının gündəmdə olduğunu bildirib. Paytaxt Havanada Kuba İnqilabının "sosialist xarakterinin" elan edilməsinin 65-ci ildönümü münasibətilə çıxış edən Kanel ABŞ ilə yaşanan gərginliyə toxunub. Kanel ABŞ-ın Kubaya hərbi müdaxilə ehtimalını vurğulayaraq qeyd edib ki, ölkəsi müharibə istəmir, lakin vəzifələri müharibənin qarşısını almaq üçün hazırlıqlı olmaq və əgər bu qaçılmaz olarsa, qalib gəlməkdir.
Tramp "razılaşmaya yaxınıq" dedi, Kuba isə ehtiyatlı danışdı
Kuba hökuməti bazar ertəsi AFP-yə verdiyi açıqlamada ABŞ Prezidenti Donald Tramp administrasiyası ilə "ünsiyyətdə" olduqlarını, lakin rəsmi danışıqların hələ başlamadığını bildirib. Xarici işlər nazirinin müavini Karlos Fernandez de Kossio müsahibəsində qeyd edib ki, hazırda tərəflər arasında tammiqyaslı dialoqdan söz açmaq mümkün olmasa da, iki hökumət arasında müəyyən əlaqə kanalları mövcuddur. Bu açıqlama Donald Trampın bazar günü verdiyi bəyanatdan sonraya təsadüf edir. Tramp ABŞ-ın Kubanın "ən yüksək səviyyəli rəsmiləri" ilə danışıqlar apardığını və tezliklə bir razılaşma əldə olunacağını gözlədiyini iddia etmişdi. De Kossio isə ölkəsinin humanitar böhranın qarşısını almaq üçün dialoqa hər zaman açıq olduğunu təkrar vurğulayıb.
ABŞ təzyiqləri gücləndikcə kubalılar ağır həyat şəraiti ilə üz-üzə qalır
ABŞ-ın Kubaya qarşı iqtisadi təzyiqləri artdıqca ölkə əhalisi gündəlik həyatda ciddi çətinliklərlə mübarizə aparmağa məcbur qalır. Xüsusilə yanacaq qıtlığı vəziyyəti daha da ağırlaşdırıb. Əvvəlcə Venesuela, sonra isə Meksika Kubaya neft tədarükünü dayandırıb. ABŞ prezidenti Donald Tramp isə Kubanı neftlə təmin edən ölkələrə qarşı rüsum tətbiq ediləcəyini açıqlayıb.
