İranla razılaşmaya ümid edirik... Xameneinin haqlı olub-olmadığını görəcəyik - Tramp

ABŞ Prezidenti Donald Tramp bazar günü İranın Ali Rəhbəri Əli Xameneinin İslam Respublikasına hər hansı hücumun regional müharibəyə səbəb ola biləcəyi barədə xəbərdarlığından sonra İranla razılaşmaya ümid etdiyini bildirib. Tramp Xameneinin xəbərdarlığını əhəmiyyətsiz kimi qiymətləndirib və Florida ştatındakı Mar-a-Laqo iqamətgahında jurnalistlərə: "Əlbəttə, o belə deyəcək. Ümid edirik ki, razılaşmaya nail olacağıq. Əgər bu baş verməzsə, o zaman onun haqlı olub-olmadığını öyrənəcəyik".-deyə bildirib.