Səudiyyə Ərəbistanı İranın region ölkələrinə qarşı təcavüzünü pislədi

Səudiyyə Ərəbistanı Krallığı İranın aşkar təcavüzünü və region dövlətlərinin suverenliyinin pozulmasını ən sərt formada pislədiyini bəyan edib. Rəsmi açıqlamada qeyd olunur ki, İranın Birləşmiş Ərəb Əmirlikləri, Bəhreyn, Qətər, Küveyt və İordaniyanın suverenliyini kobud şəkildə pozduğu vurğulanıb. Krallıq bəyanatında “qardaş ölkələrlə tam həmrəylik və sarsılmaz dəstək” ifadə olunub və həmin dövlətlərin atacağı istənilən addımı dəstəkləməyə hazır olduğu bildirilib. Riyad region dövlətlərinin təhlükəsizliyinin təmin olunması üçün bütün imkanlarını onların ixtiyarına verməyə hazır olduğunu təsdiqləyib.