Generatorların dayanması uşaqların ölümünə səbəb olacaq - Nasır Tibb Kompleksinin direktoru

Qəzza zolağının cənubundakı Xan Yunis şəhərində yerləşən Nasır Tibb Kompleksinin direktoru doktor Atif əl-Hut, yanacaq çatışmazlığı səbəbindən xəstəxananın bütün xidmətlərinin dayanmaq təhlükəsi ilə üz-üzə qaldığını açıqlayıb. Direktor bildirib ki, generatorlar üçün lazım olan yanacaq və sürtkü yağlarının tükənməsi xəstəxanada fəaliyyəti iflic həddinə çatdırıb. Atif əl-Hutun sözlərinə görə, İsrail tərəfi məhdud miqdarda yanacaq buraxsa da, mühərrik yağlarının daxil olmasına tam qadağa qoyub. Bu isə iki ildən artıqdır fasiləsiz işləyən və artıq sıradan çıxmaqda olan generatorların hər an dayanması deməkdir.