İran düşmənlə əlaqədə olan 47 şəxsin əmlakını müsadirə edib
İranın Şimal Xorasan vilayəti baş hakimliyi düşmənlə əməkdaşlıqda şübhəli bilinən 47 şəxsin əmlakını müsadirə edib. Qanuni və kəşfiyyat tədbirləri nəticəsində 14 iş açılıb, şəxslərin əmlaklarının müəyyən olunması və müsadirəsi üçün lazımi göstərişlər verilib. İşlər “rejim əleyhinə təbliğat fəaliyyəti” və “daxili və xarici təhlükəsizlik əleyhinə cinayətlərin törədilməsi məqsədilə əlaqə və toplanma” ittihamları ilə aparılır. Hüquq ekspertləri bildirir ki, bu addım İranda milli təhlükəsizlik və qanunvericiliyin qorunmasına xidmət edir və belə əməliyyatlar gələcəkdə oxşar halların qarşısının alınmasına töhfə verə bilər.
Türkiyədə məktəblərdə təhükəsizlik tədbirləri artırılacaq
Türkiyədə məktəblərdə təhlükəsizliyin gücləndirilməsi ilə bağlı yeni tədbirlər görüləcək. Türkiyənin milli təhsil naziri Yusuf Tekin Prezident Rəcəb Tayyib Ərdoğanın göstərişi ilə məktəblərdə təhlükəsizlik tədbirlərinin artırılması istiqamətində yeni qərarların hazırlandığını bildirib.
