İsrail ordusu Qəzzada HƏMAS-a aid olduğunu bildirdiyi silah anbarlarını vurub
İsrail ordusu Qəzza zolağında HƏMAS-a aid olduğunu bildirdiyi silah anbarlarını hədəfə alıb. Əməliyyat barədə İsrail ordusu və Şin Bet birgə açıqlama yayıb. Hücumlar Şati qaçqın düşərgəsi və Deyr əl-Bələh bölgəsində həyata keçirilib. İsrail iki silah anbarının məhv edildiyini iddia edir. Bu obyektlərin HƏMAS-a məxsus olduğuna dair əlavə sübut təqdim edilməyib. Qəzzanın müxtəlif ərazilərində İsrail hava hücumları bazar ertəsi də davam edib. Səhiyyə rəsmilərinin məlumatına görə, indiyədək azı səkkiz fələstinli həlak olub. Ölənlər arasında azı iki uşaq var.
Qəzzada son 48 saatda İsrail hücumları nəticəsində 5 fələstinli həlak oldu
Qəzza zolağında İsrail ordusunun həyata keçirdiyi hücumlar nəticəsində son 48 saat ərzində 5 fələstinli həlak olub, 15 nəfər isə yaralanıb. Rəsmi məlumata görə, 2025-ci ilin oktyabr ayında qüvvəyə minmiş atəşkəs razılaşmasından bəri ümumi ölənlərin sayı 850 nəfərə, yaralıların sayı isə 2433 nəfərə çatıb. Bundan əlavə, dağıntılar altından və küçələrdən 770 meyitin çıxarıldığı bildirilib.
