Almaniya müdafiədə altı il itirib: Nazir Krımın ilhaqından sonra buraxılan səhvləri etiraf etdi

Almaniyanın müdafiə naziri Boris Pistorius ölkəsinin Krımın ilhaqından sonra yaranmış təhlükəsizlik risklərinə lazımi səviyyədə reaksiya vermədiyini bildirib. Onun sözlərinə görə, həmin dövrdə qəbul edilməyən qərarlar nəticəsində Almaniya müdafiə hazırlığı baxımından ən azı altı il itirib. Helmut Şmidt Fondu tərəfindən təşkil olunan tədbirdə çıxış edən nazir qeyd edib ki, 2014-cü ildə Krımın ilhaqı Avropa üçün ciddi xəbərdarlıq siqnalı olsa da, Almaniya bu təhlükəni lazımi ciddiliklə qiymətləndirməyib.