AfD əyalət seçkilərini Almaniyada hakimiyyətə yol kimi görür
Almaniyanın ifrat sağçı “Almaniya üçün Alternativ” (AfD) partiyası sentyabrda keçiriləcək əyalət seçkilərində uğur qazanaraq gələcəkdə federal hakimiyyətə gəlmək üçün siyasi mövqeyini gücləndirməyə çalışır. Partiyanın həmsədri Alisa Vaydel bildirib ki, AfD sentyabrın 6-da Saksoniya-Anhalt əyalətində keçiriləcək seçkilərdə hökuməti formalaşdırmaq niyyətindədir. O, partiyanın hətta təkbaşına idarə etmək üçün lazım olan səs çoxluğunu əldə edə biləcəyinə əminliyini ifadə edib.
İnsanın özünün tarixə çevrildiyini izləməsi qəribə hissdir - Angela Merkel
Almaniyanın sabiq kansleri Angela Merkel Berlində yerləşən Bode Muzeyində onun üçün hazırlanmış rəsmi portretin təqdimat mərasimində iştirak edib. Fransa-Almaniya rəssamı Jeremi Keyrasın müəllifi olduğu əsərin açılışı ilə Merkelin portreti Almaniya kanslerlərinin rəsmi portretləri sırasına daxil edilib və gələcəkdə Kansler Aparatının binasında əvvəlki kanslerlərin portretləri ilə birlikdə nümayiş olunacaq.
