Qəssam briqadalarının iki komandiri əməliyyat zamanı öldürülüb - İsrail

İsrail ordusu Qəzza zolağının şimalında HƏMAS-ın Qəssam briqadalarının iki xüsusi təyinatlı komandirinin öldürüldüyünü açıqlayıb. Məlumata görə, öldürülən şəxslər "Nuxba" bölməsinin üzvləri olub. Onların adlarının Əli Şəmləx və Nasir Luah olduğu bildirilib. İsrail ordusu hər iki şəxsin öz qüvvələri üçün birbaşa təhlükə yaratdığını iddia edib. Hadisənin çərşənbə axşamı gecəsi baş verdiyi qeyd olunub. Əməliyyatın təfərrüatları açıqlanmayıb. HƏMAS hələlik bu iddialara münasibət bildirməyib. Qəzza zolağında hərbi əməliyyatlar davam edir.