Aİ daxili işlər nazirləri Sebta miqrasiya böhranını müzakirə edəcək

Avropa İttifaqına (Aİ) üzv ölkələrin daxili işlər nazirləri İspaniyanın idarəçiliyində olan Sebta şəhərində yaranmış miqrasiya böhranını müzakirə etmək üçün bu gün videokonfrans formatında fövqəladə iclas keçirəcəklər. Toplantının əsas məqsədi son günlər on minlərlə miqrantın Mərakeşdən İspaniyanın Şimali Afrikadakı Sebta şəhərinə qeyri-qanuni keçidindən sonra yaranmış vəziyyəti qiymətləndirmək və Aİ-nin miqrasiya siyasətinə dair ortaq yanaşma formalaşdırmaqdır.