Azərbaycandan Türkiyəyə altı ayda 1,3 milyard dollarlıq təbii qaz ixrac edilib
Bu ilin yanvar-iyun aylarında Azərbaycandan Türkiyəyə 1,262 milyard ABŞ dolları dəyərində 4,847 milyard kubmetr təbii qaz (qaz halında) ixrac edilib. Ötən ilin eyni dövründəki göstərici ilə müqayisədə Azərbaycandan sözügedən ölkəyə təbii qaz (qaz halında) ixracı dəyər ifadəsində 97,9 milyon ABŞ dolları və ya 7,2%, həcm ifadəsində isə 82,2 milyon kubmetr və ya 1,7% azalıb.
Altı ay ərzində Azərbaycandan Xorvatiyaya ixrac olunan neftin həcmi açıqlandı
Azərbaycan Dövlət Gömrük Komitəsinin dərc etdiyi xarici ticarətin gömrük statistikasına əsasən, yanvar-iyun aylarında Azərbaycandan Xorvatiyaya 162,7 milyon ABŞ dollar dəyərində 276,3 min ton bitumlu süxurlardan alınmış neft və neft məhsulları ixrac edilib. Bu göstərici dəyər ifadəsində 2025-ci ilin eyni dövrü ilə müqayisədə 246,2 milyon ABŞ dolları və ya 60,2 faiz az, həcm baxımından isə 468,4 min ton və ya 62,9 faiz aşağı olub.
