2026-cı ilin 7 ayında sahibkarlara 1191 lisenziya verilib
2026-cı ilin yanvar-iyul aylarında Azərbaycanda sahibkarlara 1191 lisenziya verilib. Onlardan 807-si elektron formada təqdim olunub. Ümumilikdə isə İqtisadiyyat Nazirliyi tərəfindən sahibkarlara 20 min 220 lisenziya təqdim edilib. Verilən lisenziyaların əsas hissəsi tikinti, əczaçılıq, özəl tibb və rabitə sahələrini əhatə edib. Elektron lisenziyaların sayı 2018-ci ildən etibarən 7963-ə çatıb. Hazırda 23 sahibkarlıq fəaliyyəti növü üzrə lisenziyalar İqtisadiyyat Nazirliyi tərəfindən verilir. Sahibkarlar müraciətləri "ASAN xidmət", KOB evləri və elektron portal vasitəsilə edə bilərlər. Sənədlər düzgün təqdim edildikdə lisenziya ən geci 10 iş günü ərzində təqdim olunur.
Keçən ildə 350 sahibkarın məhsul və xidmətlərinin satışına dəstək göstərilib
2026-cı ildə də KOB subyektlərinin sərgilərdə və yarmarkalarda iştirakına, ticarət şəbəkələrinə çıxışına dəstək davam etdiriləcəkdir. Kiçik və Orta Biznesin İnkişafı Agentliyi (KOBİA) tərəfindən təmin edilən KOB subyektlərinin satış imkanlarının genişləndirilməsinə dəstək mexanizmlərindən 2025-ci ildə 350 mikro, kiçik və orta biznes subyekti yararlanıb.
Bakı Fond Birjası və “İqtisadi Resursların Öyrənilməsi” İctimai Birliyi (İRÖİB) arasında memorandum imzalanıb
10 dekabr 2025-ci il tarixində Bakı Fond Birjası (BFB) və “İqtisadi Resursların Öyrənilməsi” İctimai Birliyi (İRÖİB) arasında Azərbaycanda İslam maliyyəsi və halal investisiya alətlərinin inkişafını dəstəkləyən “Qarşılıqlı Anlaşma və Əməkdaşlıq” memorandumu imzalanıb.
Zəfər Günü münasibətilə Göyçayda “KOB FEST” sərgi-satış yarmarkası keçirilir
Yarmarkada 100-ə yaxın KOB subyektinin məhsul və xidmətləri nümayiş olunur.
KOB klasterinə qoşulan sahibkarlar 7 il vergi güzəştlərindən yararlanacaq
2024-cü və 2025-ci illərdə yaradılmış iki KOB klaster şirkətində ümumilikdə 20-dən çox KOB subyekti birləşəcək. Bu KOB subyektləri təbii meyvə konsentratı və nəqliyyat vasitələrinin mühərrikləri üçün sürtkü yağı istehsal edəcək KOB klaster şirkətlərini müxtəlif mal və xidmətlərlə təmin edəcək.
Qazaxıstan Azərbaycanın KOB evi modelinin tətbiqində maraqlıdır
Astana şəhərində keçirilən Azərbaycan–Qazaxıstan Biznes Forumu çərçivəsində Kiçik və Orta Biznesin İnkişafı Agentliyi (KOBİA) və Qazaxıstanın Xarici Ticarət Palatası arasında Azərbaycanın KOB evi modeli ilə bağlı əməkdaşlığa dair Anlaşma Memorandumu imzalanıb.
Xaçmaz KOB evinin Xudat şəhərindəki xidmət mərkəzində sahibkarlara 39 minə yaxın xidmət göstərilib
Sahibkarlar KOB evinin Xudatdakı xidmət mərkəzinə daha çox ixracla bağlı xidmətlər üçün müraciət edirlər. “Xaçmaz KOB evi”nin Xudat şəhərində yerləşən “Food City” Aqroparkındakı xidmət mərkəzi tərəfindən 2025-ci ilin yanvar-avqust aylarında sahibkarlara 39 minə yaxın xidmət göstərilib. 2024-cü ildən fəaliyyət göstərən Xudatdakı xidmət mərkəzinə sahibkarlar daha çox ixracla bağlı məsələlər, o cümlədən mənşə və ixrac sertifikatlarının alınması, gömrük rəsmiləşdirilməsi, vergi məsələləri, logistika, bank və s. xidmətlər üçün müraciət ediblər. Ümumilikdə Xudatdakı xidmət mərkəzində sahibkarlara daha çox ixracla bağlı xidmətlər olmaqla, gün ərzində orta hesabla 200-dən çox xidmət göstərilir.
