Husilər HƏMAS-ın yeni lideri Xəlil əl-Həyyanı təbrik ediblər
Husi hərəkatı HƏMAS-ın yeni rəhbəri Xəlil əl-Həyyanı təbrik edib. Yusuf əl-Mədəni bu seçimin təşkilatın mübarizə əzmini göstərdiyini bildirib. O, Fələstin məsələsinin husilər üçün əsas prioritet olduğunu vurğulayıb. Husilər Qəzzaya qarşı yeni hərbi əməliyyatlara cavab verməyə hazır olduqlarını bəyan ediblər. Xəlil əl-Həyya HƏMAS rəhbəri kimi Yəhya Sinvarı əvəz edib. Sinvar 2024-cü ilin oktyabrında döyüşlər zamanı həlak olmuşdu. Yeni rəhbər təşkilatın daxili səsverməsində Xalid Məşəli məğlub edərək seçilib.
HƏMAS siyasi bürosuna yeni rəhbər seçilib
HƏMAS-ın siyasi bürosuna Xəlil əl-Həyya rəhbər seçilib. Keçmiş siyasi lider Xalid Məşəl onun seçilməsini təbrik edib. Məşəl seçkinin nəticələrinə hörmət etdiyini və yeni rəhbəri dəstəkləyəcəyini bildirib. Əl-Həyya daxili səsvermənin ikinci turunda qalib gəlib. O, daha əvvəl HƏMAS rəhbərliyində müxtəlif vəzifələrdə çalışıb. Yeni liderin seçilməsi təşkilatın daxili strukturunda dəyişiklik hesab olunur. HƏMAS qarşıdakı dövrdə mürəkkəb siyasi və hərbi şəraitlə üzləşir.
Misirdə HƏMAS nümayəndələri Misir və Türkiyə kəşfiyyat rəhbərləri ilə görüşüb
HƏMAS nümayəndə heyəti Qahirədə Misir və Türkiyənin kəşfiyyat rəhbərləri ilə görüş keçirib. Danışıqlarda Qəzzada atəşkəs razılaşmasının ikinci mərhələsinin icrası əsas müzakirə mövzusu olub. Görüşdə Misirin kəşfiyyat rəhbəri Həsən Rəşad, Türkiyə Milli Kəşfiyyat Təşkilatının rəhbəri İbrahim Kalın, eləcə də HƏMAS rəhbərlərindən Xalid Məşəl, Xəlil əl-Həyyə və Məhəmməd Həsən iştirak ediblər. Məlumata görə, görüş müsbət şəraitdə keçib. Tərəflər razılaşmanın tam icrası ilə bağlı nikbin olduqlarını bildiriblər. HƏMAS planın həyata keçirilməsinə dəstəyini bir daha ifadə edib. Danışıqların vasitəçilər tərəfindən hazırlanmış yol xəritəsi çərçivəsində davam etdirildiyi qeyd olunub.
HƏMAS rəhbərləri Qətəri tərk edərək Türkiyəyə gedir?
Lakin İordaniya hökuməti ilə HƏMAS-ın münasibətləri yaxınlaşma, gərginlik, uzaqlaşma və soyuqluq mərhələlərindən keçdi. 1991-ci ildə HƏMAS-ın İordaniyada ofisi açıldı və Məhəmməd Nizzal hərəkatın nümayəndəsi təyin edildi. Bir il sonra isə HƏMAS-ın fəaliyyəti genişləndi, Ammanda bir neçə ofis açıldı və siyasi büro rəhbəri Musa Əbu Mərzuq İordaniyanın paytaxtına köçdü. Bu, İsrail və İordaniyanın Madrid konfransında iştirakına baxmayaraq baş verdi. O vaxt HƏMAS konfransın əleyhinə idi. Həmçinin hərəkatın İordaniyaya köçməsi İsrailin fələstinli liderləri və “Müsəlman Qardaşları”nın əsas üzvlərini sürgün etməsi ilə üst-üstə düşdü.
ABŞ icazə verdi - İsrail Qətəri bombaladı, hədəfdə Xalid Məşəl də var (FOTO)
Qətərin paytaxtı Dohada bir neçə partlayış səsi eşidilib, şəhərin mərkəzindən tüstü qalxdığı bildirilib. Şahidlər, hadisənin mərkəzi məhəllələrdən birində baş verdiyini təsdiqləyiblər. İsrail mediası yüksək rütbəli israilli rəsmiyə istinadla, Dohada baş verən partlayışların İsrailin HƏMAS rəhbərliyinə qarşı həyata keçirdiyi suiqəsd əməliyyatı olduğunu bildirib. İsrail ordusunun radio kanalı da açıqlamasında hücumu üstlənib. “İsrail, Qətərdəki HƏMAS rəhbərliyini hədəf alıb. Əməliyyat HƏMAS liderliyinin ən yüksək səviyyəsini vurmaq məqsədi daşıyırdı”- deyə bildirib.
