İslam Hərbi Alyansı və Britaniya terrorla mübarizədə əməkdaşlığı genişləndirir
“İslam Hərbi Alyansı” və Böyük Britaniya terrorizm və ekstremizmlə mübarizə sahəsində əməkdaşlığın gücləndirilməsi və birgə fəaliyyət istiqamətlərinin inkişaf etdirilməsini müzakirə edib.Bu barədə VOA Səudiyyə Ərəbistanının SPA agentliyinə istinadən məlumat verir. Görüş Londonda Böyük Britaniya Müdafiə Nazirliyində “İslam Hərbi Alyansı”nın baş katibi, general-mayor Məhəmməd əl-Müğeydi ilə Britaniyanın Yaxın Şərq üzrə müdafiə məsələləri üzrə baş müşaviri, general-leytenant Edvard Alqrin arasında keçirilib.
İraqda beş mindən çox İŞİD üzvünə hökm oxunacaq
İraqda Suriyanın şimal-şərqindən gətirilmiş 5 704 İŞİD şübhəlisi ilə bağlı ilkin istintaq başa çatıb. Şübhəlilər 67 müxtəlif ölkənin vətəndaşlarıdır. Onların 3 497 nəfəri Suriya, 474 nəfəri isə İraq vətəndaşıdır. Araşdırılan şəxslər arasında İŞİD-in yüksək vəzifəli rəhbərlərinin və müxtəlif bölmələrinin nümayəndələrinin olduğu bildirilir. Altı şəxsin yezidi qadınlara qarşı törədilmiş ağır cinayətlərlə əlaqəsinin müəyyənləşdirildiyi açıqlanıb. Yetərli sübut olmayan bəzi şəxslər azad edilib və ya öz ölkələrinə təhvil verilib. Daha 457 Suriya vətəndaşının Suriyaya qaytarılması istiqamətində iş aparılır. Qalan işlərin mərhələli və fərdi qaydada İraq məhkəmələrinə göndərilməsi nəzərdə tutulur.
PKK-nın silahları üçün 3 mərhələli plan hazırlanıb
PKK-nın silahı yerə qoyması ilə yanaşı, terror təşkilatının arsenalındakı silah və sursatın başqa bölgələrə və ya digər terror qruplaşmalarına ötürülməsinin qarşısının alınması üçün nəzarət mexanizmi yaradılacaq. MİT-in nəzarəti altında Türkiyənin Milli Müdafiə Nazirliyinə təhvil veriləcək silahlar ayrı-ayrılıqda qeydiyyata alınacaq və onların sayı mövcud kəşfiyyat məlumatları ilə müqayisə ediləcək. Bununla təhvil verilən silah və sursatda hər hansı çatışmazlığın müəyyənləşdirilməsi nəzərdə tutulur.
“Terrorsuz Türkiyə” prosesi fonunda keçmiş sui-qəsdlər yenidən gündəmdə
Türkiyədə “Terorsuz Türkiyə” prosesi çərçivəsində terrorla mübarizənin yalnız silahlı qrupların fəaliyyətinin dayandırılması ilə məhdudlaşmamalı olduğu, eyni zamanda keçmişdə baş vermiş müəmmalı hadisələrin və sui-qəsdlərin də araşdırılmasının vacibliyi müzakirə olunur. Türkiyə mediasında 40 il davam edən terror probleminin aradan qaldırılması ilə yanaşı, terroru qidalandırdığı iddia edilən strukturların və keçmişdə baş vermiş şübhəli hadisələrin araşdırılmasının əhəmiyyətinə diqqət çəkilir.
Terrorsuz Türkiyə prosesində hansı yeniliklər var?
Türkiyədə terrorla mübarizə və hüquqi islahatlarla bağlı proses davam edərkən, PKK silahlı qruplaşmasının İraqın şimalındakı Qara dağında yerləşən əsas mövqelərindən birini tərk etdiyi iddia olunur.
Türkiyədə məktəb hücumlarından sonra genişmiqyaslı əməliyyat keçirilib
Şanlıurfa və Kahramanmaraşda baş vermiş məktəb hücumlarından sonra Türkiyənin səksən bir vilayətində həyata keçirilən kiber patrul fəaliyyəti nəticəsində ələ keçirilən şübhəlilərdən yüz yetmiş nəfəri məhkəmə qərarı ilə həbs olunub. Türkiyə Daxili İşlər Nazirliyindən alınan məlumata görə Polis Baş İdarəsi və Daxili Qoşunlar Baş Komandanlığına bağlı kiber cinayətkarlıqla mübarizə bölmələri sosial mediada xalqı kin və düşmənçiliyə sövq edən həmçinin dezenformasiya yayan hesablara qarşı genişmiqyaslı əməliyyatlar keçirib.
Türkiyədə 13 şəhərdə əməliyyat: 19 nəfər saxlanılıb
Konya mərkəzli 13 şəhərdə keçirilən əməliyyat zamanı terror təşkilatının hərbi strukturunda fəaliyyət göstərdikləri iddia olunan şəxslərə qarşı tədbirlər həyata keçirilib. İstanbul, Ankara, İzmir, Bursa, Kayseri, Sakarya, Mersin, Yalova, Isparta, Sivas, Aksaray, Denizli və Afyonkarahisar daxil olmaqla müxtəlif şəhərlərdə eyni vaxtda keçirilən əməliyyat nəticəsində 19 nəfər saxlanılıb.
İstanbulda İŞİD əməliyyatı: 11 şübhəli saxlanıldı
İstanbul Terrorla Mübarizə və Kəşfiyyat İdarəsinin əməkdaşları İŞİD terror qruplaşmasının fəaliyyətinin qarşısının alınması məqsədilə genişmiqyaslı əməliyyat keçirib. Əməliyyatın əsas hədəfində terror təşkilatı ilə əlaqəli fəaliyyət göstərən və sosial media platformaları vasitəsilə qruplaşmanın təbliğatını aparan şəxslər olub. Şəhərin müxtəlif ünvanlarında eyni vaxtda həyata keçirilən basqınlar nəticəsində 11 şübhəli şəxs gözaltına alınıb.
İstanbul mərkəzli 22 vilayətdə MLKP əməliyyatı: Həbs olunanların sayı 77-yə yüksəldi
İstanbul mərkəzli 22 vilayətdə MLKP silahlı terror təşkilatına qarşı keçirilən əməliyyatda həbs olunanların sayı 77-yə yüksəlib. İstanbul Polis İdarəsinin Terrorla Mübarizə Şöbəsi və Kəşfiyyat Şöbəsi əməkdaşları tərəfindən MLKP silahlı terror təşkilatının fəaliyyətlərinin ifşa edilərək qarşısının alınmasına yönəlmiş işlər çərçivəsində saxlanılan 46 şübhəlinin polis bölməsindəki prosedurları tamamlanıb.
Türkiyənin 22 vilayətində terror əməliyyatı: 96 saxlanılan var
Türkiyənin daxili işlər naziri Ali Yerlikaya sosial media hesabından verdiyi rəsmi açıqlamada MLKP terror təşkilatına qarşı keçirilən genişmiqyaslı əməliyyatlar barədə məlumat paylaşıb. İstanbul Respublika Baş Prokurorluğu və İstanbul Polis İdarəsinin koordinasiyası ilə Terrorla Mübarizə və Kəşfiyyat şöbə müdirliyi tərəfindən həyata keçirilən tədbirlər çərçivəsində, silahlı terror təşkilatının mətbuat və gənclər qanadları vasitəsilə fəaliyyət göstərən şəxslər müəyyən edilərək hədəf alınıb.
MİT İranın casus şəbəkəsini zərərsizləşdirib
Türkiyədə Milli Kəşfiyyat Təşkilatı (MİT) və Daxili İşlər Nazirliyinin birgə keçirdiyi əməliyyat nəticəsində İran kəşfiyyat strukturları ilə əlaqədə şübhəli bilinən casus şəbəkəsi ifşa edilib. İstintaq materiallarına əsasən, saxlanılan şəxslərin İran İnqilab Keşikçiləri Korpusunun kəşfiyyat strukturları ilə birbaşa əlaqədə olduqları müəyyən edilib. Onların Türkiyə ərazisində yerləşən hərbi obyektlər, strateji əhəmiyyətli bölgələr, eləcə də ölkə hüdudlarından kənarda yerləşən kritik nöqtələr barədə məlumat topladıqları və bu informasiyaları İran kəşfiyyatına ötürdükləri aşkar olunub.
İlk olaraq terrorsuz Türkiyə, sonra terrorsuz bölgə - Ərdoğan
Əvvəl terrorsuz Türkiyə, sonra terrorsuz bölgə. Prezident Rəcəb Tayyib Ərdoğan, Atatürk Havalimanı Millet Bahçəsinin açılışında çıxış edərək ölkədə təhlükəsizliyin və sülhün vacibliyini vurğulayıb. Ərdoğan bildirib ki, “Milətimizin ödədiyi qurbanlar boşa getməyib. Biz yalnız sərhədlərimiz daxilində deyil, sərhədlərimizin kənarında da barışın, təhlükəsizliyin və sülhün hökm sürdüyü yeni bir dövrü mütləq başladaq. Bunda sonuna qədər qərarlıyıq. Əvvəl terrorsuz Türkiyə, sonra terrorsuz bölgə.”
