BAKI,VOA, Nailə Babazadə
Şanlıurfa və Kahramanmaraşda baş vermiş məktəb hücumlarından sonra Türkiyənin səksən bir vilayətində həyata keçirilən kiber patrul fəaliyyəti nəticəsində ələ keçirilən şübhəlilərdən yüz yetmiş nəfəri məhkəmə qərarı ilə həbs olunub.
VOA xəbər verir ki, Türkiyə Daxili İşlər Nazirliyindən alınan məlumata görə Polis Baş İdarəsi və Daxili Qoşunlar Baş Komandanlığına bağlı kiber cinayətkarlıqla mübarizə bölmələri sosial mediada xalqı kin və düşmənçiliyə sövq edən həmçinin dezenformasiya yayan hesablara qarşı genişmiqyaslı əməliyyatlar keçirib.
Əməliyyatlar zamanı ümumilikdə min üç yüz atmış doqquz nəfər barəsində məhkəmə işi açılıb ki onlardan min yüz qırx nəfəri cinayətə sövq edilmiş uşaqlardır. Saxlanılan şəxslərdən dörd yüz atmış doqquz nəfəri məhkəmə nəzarəti şərti ilə sərbəst buraxılsa da provokativ paylaşımlar edən və cinayətkar qruplaşmalarla əlaqəsi olan yüz yetmiş nəfər dəmir barmaqlıqlar arxasına göndərilib. Hazırda otuz doqquz şübhəli barəsində istintaq tədbirləri davam etdirilir.
Hüquq mühafizə orqanları şübhəlilərin ünvanlarında aparılan axtarışlar zamanı bir ədəd uzun lüləli silah çox sayda tüfəng tapança kəsici və deşici alətlər minlərlə patron həmçinin dörd yüz otuz altı ədəd mobil telefon və rəqəmsal materiallar aşkar edərək götürüblər.
Kiber mübarizə çərçivəsində Telegram qrupları üzərindən qanunsuz fəaliyyət göstərən yüz qırx səkkiz kanal tamamilə qapadılıb. Eyni zamanda iki min dörd yüz doqquz internet ünvanına girişə məhdudiyyət qoyulub və provokativ məzmunlu paylaşımlar edən iki yüz doxsan yedti hesab idarəçisi barəsində hüquqi icraat başladılıb. Dövlət rəsmiləri rəqəmsal məkanda təhlükəsizliyin təmin edilməsi üçün bu növ nəzarət tədbirlərinin qətiyyətlə davam etdiriləcəyini vurğulayıblar.
