Ərdoğana sui-qəsd cəhdində iştirak edən FETÖ üzvü saxlanıldı
Türkiyədə 15 iyul çevriliş cəhdi zamanı Prezident Rəcəb Tayyib Ərdoğana qarşı sui-qəsd qrupunda iştirak edən və qırmızı bülletenlə axtarılan FETÖ üzvü B.K. Afyonkarahisarda keçirilən əməliyyat zamanı saxlanılıb. Onun 37 nəfərlik qrupun azadlıqda qalan son üzvü olduğu bildirilib. Bildirilib ki, saxlanılan şəxs 15 iyul çevriliş cəhdi zamanı Marmarisdə Prezident Ərdoğanın qaldığı otelə hücum edən 37 nəfərlik qrupun uzun müddət azadlıqda qalan son üzvü olub.
Türkiyədə 7 min jandarmanın iştirakı ilə əməliyyat keçirilib
Türkiyənin 24 vilayətində narkotik maddələrin qanunsuz dövriyyəsi və çətənə (kannabis) yetişdirilməsi ilə bağlı genişmiqyaslı əməliyyat keçirilib. Əməliyyatlar nəticəsində 138 şübhəli saxlanılıb, külli miqdarda narkotik vasitə və milyonlarla çətənə kökü aşkarlanaraq məhv edilib. Türkiyə Daxili İşlər Nazirliyinin məlumatına görə, əməliyyatlar Jandarma Baş Komandanlığının Narkotik Cinayətlərlə Mübarizə İdarəsi və Respublika Baş Prokurorluqlarının koordinasiyası ilə həyata keçirilib.
İnterpol əməliyyatı: 54 axtarışda olan şəxs Türkiyəyə gətirildi
Məlumata görə, Türkiyənin müxtəlif ölkələrin hüquq-mühafizə orqanları ilə əməkdaşlığı nəticəsində axtarışda olan şəxslər Gürcüstandan 38, Almaniyadan 5, Azərbaycandan 2, eləcə də Bolqarıstan, Avstriya, Ekvador, Fransa, Xorvatiya, Qazaxıstan, Misir, Yunanıstan və Şimali Makedoniyadan gətirilib.
NATO Ankara Zirvəsi zamanı axtarışda olan 4 mindən çox insan saxlanılıb
NATO-nun Ankarada keçirilən Zirvə toplantısı çərçivəsində həyata keçirilən təhlükəsizlik tədbirləri zamanı müxtəlif cinayətlərə görə axtarışda olan 4 412 nəfər saxlanılıb.Mustafa Çiftçi qeyd edib ki, sammitin təhlükəsizliyinin təmin olunmasına ümumilikdə 56 min polis və jandarma əməkdaşı cəlb edilib. Hazırlıq işlərinə aylar əvvəl başlanılıb, Ankara və ətraf vilayətlər üzrə xüsusi təhlükəsizlik planı hazırlanıb.
Türkiyənin daxili işlər naziri Suriyaya gedir
Türkiyənin daxili işlər naziri Mustafa Çiftçi rəsmi təmaslar çərçivəsində bu gün Suriyaya səfər edəcək. Nazirin Suriyanın daxili işlər naziri Ənəs Həttab və fövqəladə hallar və fəlakətlərin idarə olunması naziri Raid əs-Salih ilə görüşəcəyi gözlənilir. Tərəflərin iki ölkə arasında "Fövqəladə hallar və fəlakətlərin idarə olunması sahəsində əməkdaşlıq haqqında Anlaşma Memorandumu" imzalayacağı bildirilir.
Türkiyədə 75 şəhərdə narkotik əməliyyatı keçirilib
Türkiyədə narkotiklərlə mübarizə çərçivəsində genişmiqyaslı əməliyyat keçirilib. Məlumata görə, əməliyyatlar Türkiyə Daxili İşlər Nazirliyi, Polis Baş İdarəsi və prokurorluq orqanlarının koordinasiyası ilə həyata keçirilib. Bildirilib ki, əməliyyatlara 1980 qrup, 4 min 950 əməkdaş, 21 hava vasitəsi və 43 xüsusi təlim keçmiş xidməti it cəlb olunub. Həm hava, həm də quru istiqamətində aparılan tədbirlər nəticəsində narkotik dövriyyəsinə ciddi zərbə vurulub.
Türkiyədə məktəb hücumlarından sonra genişmiqyaslı əməliyyat keçirilib
Şanlıurfa və Kahramanmaraşda baş vermiş məktəb hücumlarından sonra Türkiyənin səksən bir vilayətində həyata keçirilən kiber patrul fəaliyyəti nəticəsində ələ keçirilən şübhəlilərdən yüz yetmiş nəfəri məhkəmə qərarı ilə həbs olunub. Türkiyə Daxili İşlər Nazirliyindən alınan məlumata görə Polis Baş İdarəsi və Daxili Qoşunlar Baş Komandanlığına bağlı kiber cinayətkarlıqla mübarizə bölmələri sosial mediada xalqı kin və düşmənçiliyə sövq edən həmçinin dezenformasiya yayan hesablara qarşı genişmiqyaslı əməliyyatlar keçirib.
Türkiyədə dezinformasiya yayan 200 yaxın şübhəli müəyyən edilib
Türkiyə Daxili İşlər Nazirliyi Şanlıurfa və Kahramanmaraşda baş verən məktəb hücumlarından sonra ictimaiyyəti yanıltmağa yönəlmiş paylaşımlar edən, təhdid və aksiya çağırışları edən 127 nəfərin saxlanıldığını elan edib. Nazirliyin açıqlamasında hadisələrlə bağlı həyata keçirilən təhlükəsizlik tədbirləri çərçivəsində təxribat xarakterli 1115 internet ünvanına (URL) girişin məhdudlaşdırıldığı bildirilib.
Türkiyədə yeniyetmənin məktəbdə törətdiyi silahlı hücum nəticəsində doqquz nəfər həlak olub
Türkiyənin Daxili İşlər naziri Mustafa Çiftçi Kahramanmaraş şəhərindəki orta məktəblərin birində 14 yaşlı şagird tərəfindən törədilən silahlı hücum nəticəsində 8-i şagird, 1-i müəllim olmaqla 9 nəfərin həyatını itirdiyini, 13 nəfərin isə yaralandığını açıqlayıb. Hadisə ilə əlaqədar Türkiyənin Daxili İşlər, Ədliyyə, Milli Təhsil və Səhiyyə nazirləri dərhal bölgəyə gedərək Kahramanmaraş Universiteti Xəstəxanasının qarşısında birgə bəyanatla çıxış ediblər.
Türkiyədə narkotik satıcılarına qarşı əməliyyat keçirilib
Türkiyədə narkotik vasitələrin qanunsuz dövriyyəsinə qarşı genişmiqyaslı əməliyyat keçirilib. Türkiyə Daxili İşlər Nazirliyinin məlumatına əsasən, 71 vilayətdə təşkil edilən əməliyyatlar zamanı 903 şübhəli saxlanılıb, onlardan 373 nəfər barəsində həbs qətimkan tədbiri seçilib.
Türkiyənin 24 vilayətində İŞİD-ə qarşı genişmiqyaslı əməliyyat: 88 şübhəli saxlanılıb
Türkiyə Daxili İşlər Nazirliyi ölkə daxilində terrorla mübarizə tədbirləri çərçivəsində İŞİD (DEAŞ) terror təşkilatına qarşı genişmiqyaslı əməliyyat keçirildiyini açıqlayıb. Türkiyə Daxili Qoşunların Baş Komandanlığının Terrorla Mübarizə İdarəsi və Respublika Baş Prokurorluqlarının koordinasiyası ilə 24 vilayətdə eyni vaxtda həyata keçirilən reydlər nəticəsində ümumilikdə 88 şübhəli şəxs saxlanılıb.
İranla sərhəddə bütün təhlükəsizlik tədbirləri görülüb - Türkiyə DİN
Türkiyənin daxili işlər naziri Mustafa Çiftçi ABŞ, İsrail və İran arasındakı müharibə fonunda Türkiyə-İran sərhəd xəttində bütün zəruri tədbirlərin görüldüyünü açıqlayıb. Nazir bütün sərhəd-keçid məntəqələrinin nəzarət altında olduğunu və hazırda hər hansı bir problemin yaşanmadığını vurğulayıb. Nazir Çiftçi Təhlükəsizlik və Fövqəladə Hallar Koordinasiya Mərkəzində (GAMER) media nümayəndələrinin suallarını cavablandırarkən bildirib ki, müharibə başlayandan bəri sərhədyanı vilayətlərin valiləri ilə daimi təmasdadırlar. O, qeyd edib ki, Türkiyə vətəndaşları İran tərəfindən Türkiyəyə rahatlıqla keçə bilirlər və bu istiqamətdə heç bir məhdudiyyət yoxdur.
