Bakı. AzerVoice:
Başda PKK/KCK/PYD-YPG, DEAŞ və FETÖ olmaqla bütün terror təşkilatlarına qarşı davamlı və uğurla həyata keçirilən əməliyyatlarla İraq və Suriyanın şimalı da daxil olmaqla, son bir həftədə 44 terrorçu zərərsizləşdirilib.
AzerVoice-un məlumatına görə, bu barədə Türkiyə Milli Müdafiə nazirliyi məlumat yayıb.
"2024-cü il yanvarın 1-dən zərərsizləşdirilən terrorçuların sayı 359-a çatıb ki, onlardan 144-ü İraqın şimalında, 215-i isə Suriyanın şimalındadır. İstənilən vaxt və hər yerdə terror yuvalarını məhv etmək iradəmiz və qətiyyətimiz, artan təsir və sıx təzyiqlə davam edəcək",- deyə məlumatda bildirilib.
Nazirlikdən o da bildirilib ki, son bir həftədə qanunsuz keçməyə cəhd edən 207 nəfər tutulub. Tutulan şəxslərdən biri PKK/KCK terror təşkilatının üzvüdür. 2 min 495 nəfərin sərhədi keçməsinin qarşısı alınıb. Beləliklə, yanvarın 1-dən etibarən sərhədləri qanunsuz keçməyə cəhd edənlərin sayı 893-ə yüksəlib. Sərhədi keçməzdən əvvəl bloklananların sayı 21 min 89 nəfər olub.
Aytac Süleymanova
Twitter: a_alieva_
