Bakı,AzerVoice

Özbəkistan Prezidentinin fərmanı ilə, 2030-cu ilə qədər iri şəhərlərdə ən azı Avro-5 standartına cavab verməyən avtomobillərin fəaliyyətinin tədricən məhdudlaşdırılması müəyyən edilib. AzerVoice xəvər verir ki , 2024-cü il martın 1-dən etibarən Daşkənd və Nukus şəhərlərində, eləcə də rayon mərkəzlərində məhdudiyyətlər mərhələli şəkildə tətbiq ediləcək.

Məhdudiyyətlər Avro 5 ekoloji standartına cavab verməyən köhnəlmiş avtomobillərə şamil edilir. Bura təkcə sovet dövründə istehsal olunmuş avtomobillər deyil, müstəqillik illərində istehsal olunmuş yerli “Tiko”, “Matiz”, “Damas”, “Nexia-1”, “Nexia-2” avtomobilləri də daxildir.

Həmçinin, 2024-cü il martın 1-dən Daşkənddə pik saatlarda icazə verilən ümumi çəkisi 10 tondan çox olan N2, N3, O4 kateqoriyalı yük avtomobillərinin hərəkəti qadağan ediləcək. Məhdudiyyətlər xüsusi xidmət orqanlarına, o cümlədən Özbəkistan Respublikası Silahlı Qüvvələrinin kommunal və yük avtomobillərinə şamil edilmir.