Bakı, AzerVoice
Türkiyənin Denizli vilayətinin Merkezefendi rayonunda başlayan yanğın 6 gündür ki davam edir.
AzerVoice xəbər verir ki, yanğın 1000 metr hündürlükdə, sərt və qayalı ərazidə baş verib.
Məlumata əsasən, Başkarcı kəndinin Başkarcı dağında baş verən yanğının nəzarət altına alınması üçün Meşə təsərrüfatı Baş İdarəsinə bağlı 6 helikopter, 1023 nəfər şəxsi heyət, 12 ilkin müdaxilə aparatı, 22 iş maşını və 67 su tankerinin fəaliyyəti davam edir.
Qeyd edək ki, Dənizlidə yanğın 24 oktyabrda baş verib. İndiyə qədər təxminən 400 hektar ərazi yanıb. Daxili İşlər Nazirliyi və Milli Müdafiə Nazirliyi yanğının söndürülməsi üçün səy göstərir. Yanğına havadan və qurudan müdaxilə edilir.
