Bakı,AzerVoice

Türk Hava Yolları (THY) Hava Yolları Sərnişin Təcrübə Dərnəyi (APEX) tərəfindən üç mükafata layiq görülüb.

AzerVoice xəbər verir ki, THY "World Class", "World Class Davamlılıq Kateqoriyasında Sinifinin Ən Yaxşısı" və "FTE Pioneer" mükafatlarına layiq görülüb.

Şirkət hərtərəfli yoxlamalar nəticəsində təhlükəsizlik və sağlamlıq, qonaq təcrübəsi və davamlılıq kimi üç kateqoriyada performansa görə qiymətləndirilən “World Class” mükafatını ardıcıl dördüncü dəfə alıb.

THY bu mükafatı alan dünyanın 10 hava yolu şirkəti arasında yerini qoruyub.

Kaliforniyada APEX/IFSA Global Expo sərgisində təşkil edilən mərasimdə “World Class Davamlılıq Kateqoriyasında Sinifinin Ən Yaxşısı” mükafatına layiq görülən THY, sərnişin təcrübəsi və əməliyyat keyfiyyətində mükəmməlliyə sadiqliyini bir daha sübut edib.

Bu mükafatlara əlavə olaraq şirkət APEX ailəsinə daxil olan Future Travel Experience-dən “FTE Pioneer” mükafatını da alıb.

"Bu uğurlara görə THY ailəsinə və xidmətlərinə güvənən qonaqlarımıza təşəkkür etmək istəyirəm. Bu üç uğur bizim keyfiyyətimizi bir daha təsdiqləyir",- deyə THY İdarə heyətinin sədri Prof. Dr. Ahmet Bolat deyib.