Bakı, AzerVoice
Baykar və Piaggio Aerospace arasında İtaliya aviasiya nəhənginin iş komplekslərinin Baykar-a təhvil verilməsi üçün ilkin müqavilə imzalanıb.
AzerVoice-un məlumatına görə, bu barədə İtaliyanın aviasiya şirkəti açıqlama verib.
Verilən açıqlamada, marka altında fəaliyyət göstərən Piaggio Aero Industries və Piaggio Aviation şirkətlərinin iş komplekslərinin pilotsuz uçuş aparatı sistemlərinin və qabaqcıl aviasiya texnologiyalarının istehsalı və inkişafında lider olan Türkiyənin Baykar şirkətinə təhvil verilməsi üçün ilkin müqavilənin imzalandığı bildirilib.
Qeyd edək ki, İtaliya Nazirlər Şurasının təsdiqi də daxil olmaqla, müxtəlif şərtlər yerinə yetirildikdən sonra transferin yazda başa çatdırılması gözlənilir.
